Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Sorturen aurrean malgua izatea eskatu dio Currinen taldeak Zapaterori


2011-05-11 08:08

Halaber, ETAk armak entregatzeko erraztasunak ematea ere eskatu diote bitartekariek.

Brian Currin abokatu hegoafrikarrak zuzentzen duen bitartekari taldeak gutun bat igorri dio Jose Luis Rodriguez Zapatero Espainiako Gobernuko presidenteari, eta horretan Sortu legeztatzea, segurtasun lege zorrotzak malgutzea eta ETAk armak entregatzeko erraztasunak ematea eskatu dio.

Zapatero Jauna, ez ezazu Europako azken gatazka politiko bortitzarekin bukatzeko aukera historiko hau galdu. Egin ezazu zure eskuetan dagoena Sortuk bakearekin eta demokraziarekin duen konpromisoa frogatzeko aukera izan dezan, bereziki Auzitegi Konstituzionalak Bildu legez kanpo ez uzteko erabaki ondoren; malgutu segurtasun lege zorrotzak Euskal Herrian inguru barneratzaile bat ahalbidetzeko; lankidetza eskaini naziorteko erakunde bati ETAren su-etena egiaztatzeko eta armen deuseztapena errazteko, adierazi du taldeak, Berria eta Gara egunkariek euskaraz eta gaztelaniaz publikatutako gutun batean.

Nazioarteko Harreman Taldeak uste du Gobernua tentatuta senti daitekeela instituzio demokratikoetan sartzera ezker abertzalearen ahaleginei aurka egiten jarraitzeko, aukera berriak sortu arren oposizioak ahultasuna leporatuko dion beldurragatik, baina, era berean, une hau lidergo eta gidaritzarako unea dela sinesten dugu eta, Zapatero Presidentea, iraganean frogatu duzu horretarako gaitasuna baduzula.

Nolanahi ere, ulertzea da konfiantzaren auzia. Izan ere, ETAk 2006ko abenduan Madrilgo aireportuan lehertarazitako bonba ikaragarria ez da ahaztu.

Gobernuak pentsa dezake su-eten hau ETAri berregituratzeko denbora emateko mugimendu taktikoa dela berriz erasotzen hasi aurretik. Gobernuaren errezeloa aintzat hartzen badugu ere, ados gaude euskal alderdi politiko eta talde sozial gehienekin baieztapen honetan: baldintzak orain, lehenengo aldiz urte askoren ondoren, helduak dira eraldaketa politiko sakona eta bake iraunkorra lortzeko. Hori dela eta, pozez hartu dugu Espainiako Gobernuaren erantzun arduratsu eta heldua Bildu legez kanpo ez uztearen inguruan, nabarmendu du..

Gutuna Raymond Kendall, Nuala OLoan, Alberto Spektorowski, Brian Currin, Silvia Casele eta Pierre Hazan bitartekariek sinatu dute.



Informazio gehiago:Eitb: Sorturen aurrean malgua izatea eskatu dio Currinen taldeak Zapaterori

48 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin