Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Sortuk tiroketa gaitzetsi eta indarkeria uzteko eskatu dio ETAri


2011-04-12 15:04

Komunikatu batean, ETAri dei egin dio beharrezko neurriak har ditzala, antzeko jazoerak eta indarkeriazko izaera duten beste edozein etorkizunean berriz gerta ez daitezen.

Sortuk Frantzian izandako tiroketa gaitzetsi du. Komunikatu batean, indarkeriazko ekintza gehiago ez daitezela errepikatu eskatu dio ezker abertzalearen alderdiak ETAri.

ETArena barne, indarkeriaren zalantzarik gabeko gaitzespen etikoa azpimarratu du behin eta berriro Sortuk komunikatuan. Gertatutakoaren inguruko bertsio fidagarririk izan gabe ere, Frantzian jazotako tiroketa gaitzesteko zalantzarik ez daukagu, gaineratu du.

Horregatik gertaera larria nola jazo zen argitzeko eskatu du eta ETAri dei egin dio beharrezko neurriak har ditzala, antzeko jazoerak eta indarkeriazko izaera duten beste edozein etorkizunean berriz gerta ez daitezen.

Gainera Sortuko bultzatzaileen aburuz, hainbeste denbora daraman gatazka honetan biktima gehiago ez izatea beharrezkoa da, eta pertsona guztiek duten bizitzeko eskubidea eta giza ekubideekiko, zibilekiko eta politikoekiko errespetua eskatu ditu.

Bakearen aldeko bidean eta pertsona eta proiektu politiko guztien errespetuan lan egingo duen agente aktiboa izateko konpromisoa hartu du Sortuk legezkoa denean

Errepresiozko neurriak baztertzea eta Sortu legeztatzea normalizazio politiko eta demokratikorako elementu garrantzitsuak izango direla azpimarratu du.



Informazio gehiago:Eitb: Sortuk tiroketa gaitzetsi eta indarkeria uzteko eskatu dio ETAri

81 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin