Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Sortu berehala legeztatzea exijitu dute sindikatu abertzaleek


2011-03-14 13:51

ELA, LAB, STEE-EILAS, EHNE eta Hiru sindikatuek dokumentu bat adostu dute, Sorturen legeztatzea eskatzeko. Alderdi berriaren estatutuek legea betetzen dutela berretsi dute.

Sortu, ezker abertzalearen alderdi berria legeztatzea exijitu diote gaur ELA, LAB, STEE-EILAS, EHNE. eta Hiru sindikatuek Espainiako Gobernuari. Sindikatu abertzaleen ustez, Sorturen estatutuek legea bete egiten dute.

Sindikatu hauek adostutako dokumentuaren arabera, Sortu legeztatzea herri honetako gehiengo politiko, sindikal eta sozialaren exijentzia da. Besterik gabe eskubide eta betebehar demokratiko bat da, hain zuzen adierazpide politikorik gabe dagoen euskal gizartearen sektore horrekiko, gaineratu dute.

Zentzu honetan, Alderdi Politikoen Legea bertan behera uzteko exijitu dute. Sindikatu abertzaleen ustez, herritarren kriminalizazio kolektiboa eragin du lege horrek eta euskal gizartearen adierazpide politiko bat ezabatzeko erabili dute.

Lege hau salbuespen-estatu bati dagokio, eta zuzenbide-estatu demokratiko batean ez dauka tokirik, esan dute Bilbon egindako agerraldian.

Bost sindikatuek gaitzetsi egiten dituzte ikusten ari garen diskurtso eta maniobra politikoak: Estatuak berak alderdi bat legeztatzeko beharrezko eta nahikotzat ezarri zituen baldintzak orain anekdota bihurtu dira. Horrek esan nahi du eurentzat, benetan, berdin dela
Sortuk legea betetzea ala ez, adierazi dute.

Sozialisten eta popularren interes ilun batzuk ezkutatzea da Alderdien Legearen xedea, sindikatuen esanetan.

Ezin da esan hau herri normalizatuta dagoenik bertoko joera politiko batek, bakarra izanagatik ere, hauteskundeetan berdintasun baldintzetan parte hartzeko, ez erakundeetan parte hartzeko aukera bermatuta ez duen artean, bukatu dute.



Informazio gehiago:Eitb: Sortu berehala legeztatzea exijitu dute sindikatu abertzaleek

60 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin