Euskal Herriko Unibertsitateak (EHU), Leioako Ostalaritza Eskolak eta Galdakaoko (Bizkai) Boluntarioen Gizarte Elkarteak Hozkailu Solidarioa ekimena eraman dute EHUko Leioako campusera, Ostalaritza Eskolako atondora, hain zuzen. Soberan geratzen diren jakiak aprobetxatzea du helburu ekimenak, bai eta soberazko janaria produktu solidario, baliagarri eta autogestionatua bihurtzea ere.