Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Sirian berehala esku hartzea eskatu du NBEk


2012-02-13 19:34

Siriako erregimena herritarren aurkako eraso sistematikoak egiten ari dela salatu du Nazio Batuen Erakundeak. Berriz ere bonbardaketak egin dituzte astelehen honetan Homs hirian.

Siriako herritarrak babesteko, berehala bertan esku hartzea eskatu die nazioarteko ordezkariei Navy Pillay Nazio Batuen Erakundearen Giza Eskubideen Goi Mailako ordezkariak. Astelehen honetan NBEren Batzar nagusia egin dute, eta, bertan, Bachar al Asaden erregimena Siriako herritarren aurkako eraso sistematikoak egiten ari dela salatu dute.

Navy Pillay Goi Mailako ordezkariak azaldu duenez, atxiloketa masiboak egiten ari dira Sirian, eta milaka manifestari eta aktibista arbitrarioki atxilotu dituzte. Horietako askoren derrigortutako desagerpena eta torturen erabilera sistematikoa ere salatu ditu. Galdeketa eta atxiloketa zentro askotan indarkeria sexuala erabiltzea eta adingabeen kontrako errepresioa ere egotzi dizkio erregimenari. Pillayk emandako datuen arabera, 400 bat adingabe hil dira errepresioa hasi zenetik.
Era berean, Sirian gertatzen ari dena gelditzeko jarduera falta egotzi dio Segurtasun Kontseiluari, eta, zentzu horretan, Liga Arabiarraren jarrera aipatu du. Izan ere, Nazio Batuen Elkarteari berari bakerako beste misio bat sortzea proposatzea adostu du igande honetan bertan Liga Arabiarrak.

Bonbardaketak Homsen, berriz ere

Siriako Armadak Homs hiria, oposizioaren gotorleku nagusia, bonbardatu du berriz ere astelehen honetan. Tokiko Koordinaziorako Batzordeak hiru pertsonaren heriotza salatu du, baina beste iturri batzuek 13 lagun hil direla iragarri dute.

Joan den maiatzean Bachar al Asaden erregimenaren kontrako protestak hasi zirenetik, 5.000 pertsona baino gehiago hil dira Sirian, NBEren datuen arabera. Edonola ere, hildakoen zenbatekoa berritzeko arazoak dituztela onartu dute, joan den urtarrilean 5.400 hildakoen datua jaso zutenetik.

Giza Eskubideen Bortxaketen Dokumentazio Zentroaren datuen arabera, 8.000 dira hildakoak.


Siriako



Informazio gehiago:Eitb: Sirian berehala esku hartzea eskatu du NBEk

189 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin