Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Siriako 4.000 errefuxiatu Turkian sartu dira


2011-06-12 11:53

Gehienak emakumeak, haurrak eta adineko jendea dira. Europar Batasunak gainera, Siriako indarkeria gelditzeko eta preso politikoak aske uzteko eskatu du.

4.000 siriar baino gehiagok Turkiako muga zeharkatu dute Siriako armada Yisr al Shugur herrian egiten ari den errepresio gogorretik ihesi. Errefuxiatu gehienak emakumeak, haurrak eta adineko jendea dira.

Ahmet Davitoglu Turkiako Atzerri ministroak gaur eman du errefuxiatuen gaineko azken zifra. Orotara 3.893 siriar sartu dira beren herrialdean eta horietatik %90 haurrak, emakumeak eta edadeko jendea direla azaldu du.


Europaren eskaera

Catherine Ashton Europako Diplomazia buruak Siriako agintariei beste behin ere manifestarien aurkako indarkeria amaitzeko eta preso politiko guztiak aske uzteko eskatu die. Era berean, hilketen eragileei erantzukizunak eskatu dizkiote.


Komunikatu baten bitartez gaineratu duenez, horixe da Siriako herria eskatzen ari den aldaketa baketsua lortzeko modu bakarra.

Europako Batzordearen presidenteordeak azpimarratu du indarkeriaren eta hilketen arduradunek beren ekintzen gainean erantzukizunak izan behar dituztela Nazio Batuen Giza Eskubideen Batzordeak apirilaren 29an eskatu zuen moduan.

Ashtonek azkenik gaineratu du Europar Batasuna nazioarteko bazkideekin lanean ari direla Nazio Batuen Erakundearen Segurtasun Batzordeak Siriako errepresioa gaitzetsi dezan, baita agintariek herritarren eskaerei erantzun diezaien ere.

Siriako



Informazio gehiago:Eitb: Siriako 4.000 errefuxiatu Turkian sartu dira

120 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin