Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Sindikatu eta erakundeek Confebaskek jasotako mesedea salatu dute


2012-02-14 15:22

Erreformak langileen lan baldintzak gehiago ezegonkortzen dituela salatu eta protesta egiteko garaia dela esan dute.

ELA, LAB, ESK, STEE-EILAS, CGT, CNT, EHNE eta HIRU sindikatuetako eta hainbat erakunde eta elkartetako ordezkariak Confebaskeko egoitzaren aurrean bildu dira, euren ustez, Gobernuak lan erreformarekin egin dion mesedea salatzeko.

Lan erreformak langabezia eta murrizketa gehiago dakar lelopean, datorren otsailaren 25erako Bilbon manifestazioa deitu duten sindikatu eta elkarteak bildu dira.

Bertan, San Valentin eguna dela eta, parodia egin dute Mariano Rajoy eta Miguel Angel Lujua Confebaskeko presidentearen maskarekin.

Euskadiko CCOOk eta UGTk asteazkenean zehaztuko dituzte hartutako neurriak

Unai Sordo eta Damaso Casado Euskadiko CCOO eta UGT sindikatuetako ordezkariek asteazken honetan zehaztuko dituzte erreformaren aurka hartuko dituzten neurriak.

Iganderako martxa bat deitu dute Bilbon, Lan erreformari ez lelopean.

Ezker abertzalea, EA, Alternatiba eta Aralar, greba orokorraren alde

Ezker abertzaleak, EAk, Alternatibak eta Aralarrek greba orokor bat deitzeko arrazoi asko daudela esan dute, baina sindikatuei deitzea egokitzen zaiela adierazi dute. Gainera, subiranotasunean sakontzen duen alternatiba erreal batekin batera joan behar duela eskatu dute, PPren Gobernuaren erreformei aurre egiteko.

Donostian eman duten prentsaurrekoan, Maribi Ugarteburu ezker abertzaleko bozeramailea, Rebeka Ubera Aralarrekoa, Oskar Matute Alternatibako bozeramailea eta EAko Maider Carrerek komunikatu bat irakurri dute, joan den larunbatean euskal hiriburuetan erreformaren aurka egin ziren manifestazioen irakurketa positiboa egiteko.

Ezker Anitza ere greba orokor baten alde azaldu da eta Parlamentuari erreformaren aurka egiteko eskatu dio.

Euskal



Informazio gehiago:Eitb: Sindikatu eta erakundeek Confebaskek jasotako mesedea salatu dute

100 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin