Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Shakira: Nahi eta ezin San Mamesen


2011-06-05 09:12

Artistaren gogoa bertan behera gelditu da soinuaren kalitate eskasagatik, eta publikoak gehiagorako gogoarekin alde egin du Katedraletik. Gerri astindu gehiegi dezibelio urrientzat.

Ia ordu erdiko atzerapenarekin eta San Mames dar-dar egiteko prest zegoela, hori bai, ez dago sarrerarik kartela zintzilikatu barik, Shakira abeslari kolonbiarrak bart gauean Bilbon, San Mameseko futbol zelaiko oholtza gainean argi eta garbi utzi du gerria astintzeko duen dohaina; ez, ordea, abestekoa, soinu aldetik behintzat eskas samarra izan baitzen.

Balizko playback baten zurrumurrua berehala zabaldu zen Athletik taldearen zelai zaharretik barrena. Hori bai, zurrumurruak zurrumurru kontzertuak iraun zuen bi orduetan zehar ikuskizun ukaezina eskaini zuen.

Sale el sol izenburupean munduan zehar egiten ari den biraren baitan, gabon Bilbao esanez igo zen oholtza gainera Shakira; euskarazko hitz horiekin hein batean poltsikoan sartu zituen beratutakoak, zaharrak eta gazteak.

San Mamesen eta eszenatokiaren dimentsio handiek kolonbiarrari pausorik hoberenak demostratzeko aukera eman zioten eta horiek ikusleek zuzenean ez ezik, hiru pantaila erraldoien bitartez jarraitu ahal izan zituzten. Kontzertuan zehar hainbatetan aldatu zuen arropa; horien artean atentziora emateko modukoak izan ziren printzesa soineko urdin bat eta flamenko tankerako gona, ijito itxura hartzeko jantzi zuena. Argiak, soinuak, koloreak eta glamourrak ere jantzi dute San Mames larunbat gauean.

Gauari amaiera emateko utzi zuen Waka Waka abestia, Hegoafrikako Mundialean famatu egin zena, hain zuzen ere. Eta BECen eskaini zuen kontzertuan gertatu zen modu berean, publikoa hazi egin zen azken abesti horrekin, arkuak ere ola famatua egin zuen!

Horrela amaitu da kontzertua. Hainbat iritzi airean zeudela eta oholtzan ahotsa falta zela; hori bai, arrakasta izugarriak lortzen ari den artistak berdinketa lortuta alde egin du San Mamesetik. Eta Bilbotik, noski.

src=http://www.eitb.com/multimedia/images/2011/06/05/488893/488893_shakira_detalle_1.jpg/



Informazio gehiago:Eitb: Shakira: Nahi eta ezin San Mamesen

145 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin