Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Sei gizon atxilotu dituzte genero indarkeriagatik EAEn


2011-12-08 15:00

Haietatik lau bikotekideak erasotzeagatik atzeman dituzte eta gainontzeko biak mehatxuak eta bortxak egiteagatik eta urruntze agindua hautsi izanagatik atxilotu dituzte, hurrenez hurren.

Ertzaintzak hiru gizon atxilotu ditu azken orduetan Bizkaian emakumeen kontrako indarkeria beste horrenbeste kasuen ondorioz. Gaur goizaldean, osteguna, 37 urteko gizon bat atxilotu dute Mungian genero indarkeria delitua egotzita. Gizonak ustez emaztea erasotu zuen familiaren etxebizitzan liskarra izan ondoren.

Bestalde, 42 urteko gizon bat atzeman zuen Ertzaintzak atzo goizaldean, asteazkena, Bilbon bere bikotekidea erasotu izanagatik liskar batean. Era berean, atzo, asteazkena, 23:00ak aldera, 43 urteko gizonezkoa atxilotu zuten Amorebieta-Etxanon bere emazteari tratu txarrak eragiteagatik. Bikotea banatzen ari da.

Ertzaintzak beste hiru gizonezko atxilotzeari ekin dio Gipuzkoan emakumeen kontrako indarkeria delituen ustezko egileak izateagatik. Lehenbiziko kasuan, 31 urteko gizonezkoa atzeman zuten atzo arratsaldean Andoainen bere emazteari lantokian mehatxuak egiteagatik. Bikotea banatzen ari da baita ere.

Bestalde, Ertzaintzako agenteek 47 urteko gizonezkoa atxilotu zuten bart Errenterian bere bikotekide ohiarekiko urruntze agindua hautsi izanagatik. Azkenik, Ertzaintzako agenteek 43 urteko gizona atzeman dute gaur goizaldean, osteguna, Zarautzen bere bikotekidea familiaren etxebizitzan erasotzea leporatuta.

Era berean, 20 urteko emakume bat atzeman dute Gasteizen bere bikotekidea erasotu ondoren.



Informazio gehiago:Eitb: Sei gizon atxilotu dituzte genero indarkeriagatik EAEn

444 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin