Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Sarkozyk eta Berlosconik etorkinen polemika aztertuko dute gaur


2011-04-26 11:12

Azken asteetan polemika handia piztu da Frantziaren eta Italiaren artean, Afrikako iparraldetik heltzen diren etorkinak direla eta.

Silvio Berlusconi Italiako lehen ministroak eta Nicolas Sarkozy Frantziako presidenteak bilera egingo dute gaur Erroman, Afrikako iparraldetik Italiara heldutako etorkinen polemika hizpide. Izan ere, aurten 26.000 etorkin iritsi dira herrialde horretara, arabiar herrialdeetako iraultza demokratikoen ondorioz.

Bileran bi herrialdeetako Atzerri, Barne eta Ekonomia ministroak ere izango dira (Franco Frattini, Roberto Maroni eta Giulio Tremonti Italiaren aldetik, eta Alain Juppe, Claude Gueant eta Christine Lagarde, Frantziarenetik).

Frattinik azaldu duenez, Sarkozyk eta Berlusconik adierazpen bateratu bat egingo dute, Europar Batasuneko erakundeei eta estatu kideei zuzenduta, emigratzaileak sortzen dituzten herrialdeei (Egipto, Tunisia eta Libia, kasu) laguntzea eskatzeko.

Azken asteetan polemika handia piztu da bi herrialdeen artean, Italiako agintariek behin-behineko egoitza-baimena eman baitiete euren kostaldera iritsitako etorkinei, Schengen eremuko herrialdeetatik aske ibili daitezen.

Apirilaren 17an, egoera larritu egin zen, agintari frantziarrek bertan behera utzi baitzuten, zazpi orduz, Ventimiglia (Italia) eta Menton (Frantzia) herrien arteko tren zerbitzua, herrialdean etorkinak sartzea galarazteko.

Sarkozy



Informazio gehiago:Eitb: Sarkozyk eta Berlosconik etorkinen polemika aztertuko dute gaur

113 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin