Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

San Telmo museoaren nortasun berria, aste honetako EITB Kulturan


2011-05-06 18:55

Horrez gain, Alain Alonen musika, Arte Hormonado jaialdia, Columbinas-en sormen unibertsoa eta Etzi antzezlana ezagutuko ditu saioak, besteak beste.

EITB Kultura saioak bere ibilbide kulturalari hasiera emango dio Donostiako San Telmo museoan eta honen nortasun berrian murgilduko da Susana Soto museoaren zuzendariaren laguntzarekin. Elizatik hasi eta memoriaren aztarnetan jarraituz, saioak museoaren historian zehar egingo du aurrera, modernitatearen eta arte ederren berpizkundearekin topo egin arte. Bere ateak zabaldu berri dituen museoa euskal gizartearen islada da, baita mundu osoko gizartearena ere, bertan ikusgai dagoen 6.000 milioi mundu erakusketaren bitartez.

Bestalde, Alain Hernaez Euskal Telebistako leiho kulturalera hurbilduko da Alain Alone bere bakarkako lana aurkeztera. Gitarjole gasteiztarra indie-pop eta folk alternatiboaren artean mugitu izan da A new begining diska osatzeko.

Eta artearen mundutik aldendu gabe, Bilbon datorren astean ospatuko den Arte Hormonado erakustaren aurrerapena eskainiko du EITB Kulturak eta ikusgai izango diren lanen artean, Rebeca Garcia diseinatzaile bilbotarraren kolekzio berria eta Bihotza Transistor bikotearen musika esperimentala ezagutuko ditu.

Saioa, gainera, Colombinas-en unibertso aristikoam murgilduko da. Larraitz Torres eta Sandra Cuestak osatutako lehenengo proiektua Vecinos, Bamburrias & guateques izan zen eta orduan hasi ziren beren abesti eta bertsioak sortzen. Bilbon emango duten kontzertuaren aurretik entzungo dute bikotearen musika EITB Kulturan.

Eta aste honetan Euskal Telebistako kultur saioa antzerkira hurbilduko da Dar-Dar konpainiaren eskutik Etzi antzezlana ezagutzera. Jose Ramon Soroiz, Pilar Rodriguez, Asier Oruesagasti eta Gorka Zufiaurre dira protagonistak eta tragikomedia klabean, Down sindromea duen pertsona bat familia barruan izateak dakarren eguneroko bizitza erretratatuko dute.

Amaitzeko, Montehermoso kultur aretoan egingo du EITB Kulturak azkeneko geldialdia, Next gazte sortzaileentzako espazioaren azkeneko edizioa ezagutzeko asmoz. Bertan ikusgai dira Sahatsa Jauregiren Duro-duro erakusketa eta Héctor Rey-ren No existe el cielo.

EITB Klutura astelehen honetan emitituko da 23:10etik aurrera ETB-1en, astearte gaueko 01:10ean ETB-2n eta ostiralean 22:00etatik aurrera ETB-3n.

Argazkia:



Informazio gehiago:Eitb: San Telmo museoaren nortasun berria, aste honetako EITB Kulturan

188 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin