Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Salman Rushdiek emango dio hasiera Gutun Zuria jaialdiari


2011-04-07 09:29

Eleberrigile indiar-britainiarrarekin batera, Slovaj Zizek Esloveniako filosofoa, Catherine Millet arte kritikaria eta Antonio Altarriba azken komiki sari nazionalaren irabazlea izango dira Bilbon.

Salman Rushdie eleberrigile indiar-britainiarra Bilbon da Gutun Zuria Letren Nazioarteko Jaialdian parte hartzeko. AlhondigaBilbao kultura eta aisialdi zentroak antolatu du ekimena, laugarren urtez.

Islamiar historian eta erlijio musulmanean aditua dugu Rushdie, eta Jomeini aiatolahk, Irango buruzagi erlijiosoak, heriotza zigorra ezarri zion 1989an The Satanic Verses lana idazteagatik. Zentsuraren eta autozentsuraren inguruko hitzaldia eskainiko du Bilbon. Aurtengo edizioko gai nagusietako bat dugu zentsura, jaialdiaren antolatzaileen arabera.

Rushdierekin batera, Javier Cercas narratiba sari nazionalaren irabazlea eta Catherine Millet arte kritikaria izango dira Bilbon. Ospe handia lortu zuen azken honek, bere sexu harremanei buruzko liburua kaleratuta. Slovaj Zizek esloveniar filosofoa eta Antonio Altarriba azken komiki sari nazionalaren irabazlea ere Bizkaiko hiriburuan izango dira.

Egungo Errusiar literatura jorratuko duen sail berezia izango da aurtengo Gutun Zuria jaialdian, eta, horrela, Errusiako letretan azkenaldian sortu berri diren idazleak eta dagoeneko izen handi ditugun Errusiako egileak ere gertutik ezagutzeko aukera izango da. Besteak beste, Vladimir Makanin (Pushkin sariduna) eta Alexéi Varlámov (El acebuche  1995eko lanaren egilea) bertan izango dira.

Salman



Informazio gehiago:Eitb: Salman Rushdiek emango dio hasiera Gutun Zuria jaialdiari

113 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin