Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Saizarbitoriaren Hamaika pauso etenik gabe irakurriko dute Arrigan


2011-06-09 13:35

Klasikoen IV. Irakurraldia Euskara Ikasleen Jaia ospatzeko ekitaldien baitan antolatuko du Bilbo Zaharreko Euskaltegiak.

Bilbo Zaharra Euskaltegiak Ramon Saizarbitoriaren Hamaika pauso liburuaren etenik gabeko irakurtaldia antolatu du Klasikoen IV. Irakurraldia ekimenaren baitan. Ekainaren 16an egingo duten ekitaldia Bilboko Udaleko Euskara Sailak eta Ipar Kutxak babestuta egongo da. Eitb.com-ek zuzenean eskainiko du streaming bidez..

Euskara Ikasleen Jaia ospatuko dute horrela eta bide batez euskaltegiko ikasle guztien urte osoko ahalegina txalotuko dute.Laugarren aldiz irakurriko da Arriaga Antzokian jendaurrean euskal literaturaren lan klasiko bat. Aurreko urteotan Axularren Gero, Mogelen Peru Abarca eta Miranderen Haur Besoetakoa lanekin egin bezala.

Goizeko 8etan hasiko den irakurraldia Saizarbitoria berak hasiko du. Gero, 12 orduz 400 pertsona inguru pasatuko dira irakurraldi publiko horretatik, besteak beste, euskal kultura eta gizarte, kirol, ekonomia nahiz politika arloetako pertsona ospetsuak.

Ramon Saizarbitoria Donostian jaio zen 1944. urtean. Euskal literatura modernizatzen lagundu zuten idazlerik garrantzitsuenetakoa da. Bere ibilbidean zehar Egunero hasten delako (1969), 100 metro (1976) eta Ene Jesus (1976) bezalako lanak idatzi ditu. 1995an idatzi zuen Hamaika pauso, euskal literaturan punta-puntako lana.

Bi ardatz ditu: adlde batetik Angel Otaegirengan oinarrituta, Francoren erregimenak exekutatutako azken presoetakoa den Daniel Zabalegi ETAren laguntzailearen bizitzaren azken episodioei buruzko ikerketa dago; eta, bestetik, Zabalegiren historia kontatzeko nobela bat egingo duen Iñaki Abaitua idazlearen prestakuntza eta bizitza. Biak aldi berean garatzen direlarik.

Ramon



Informazio gehiago:Eitb: Saizarbitoriaren Hamaika pauso etenik gabe irakurriko dute Arrigan

138 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin