Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ryanairren aurkako zigorra gizon bati hegazkina hartzen ez uzteagatik


2012-01-10 13:38

Ez zion hegan egiten utzi lapurreta baten ostean dokumentazioa falta zitzaion bezero bati, salaketa, gidabaimena eta NANaren fotokopia bat aurkeztu zituen arren.

Aireko Segurtasuneko Agentziak zigorra ezarri dio Ryanairri gizon bati ontziratzea bidegabe ukatzeagatik. 250 euro eta txartelaren prezioa ordaindu beharko dizkio konpainiak kaltetuari.

Ryanairreko langileek eta arduradunek ez zioten hegazkinean sartzen utzi lapurreta baten ostean dokumentazioa falta zitzaion gizon bati, salaketa, gidabaimena eta NANaren fotokopia bat aurkeztu zituen arren.

2011ko urtarrilaren 6an izan zen jazoera. Palentziara heldu aurretik Granollerseko bizilagunak Valladolidera bidaiatu behar zuen Bartzelonako aireportutik. Hegazkina atera baino ordu bi eta erdi lehenago aireportura heldu zen, baina billete-zorroa ostu egin ziotela konturatu zen, eta NANa zeraman bertan.

Biktimak aireportuan bertan salatu zuen lapurreta. Ondoren hegazkineratzeko atean bertaratu zen eta Ryanairreko langileei gertatutakoa kontatu zien, baina ez zioten hegazkinean sartzen utzi, txartelak saltzen dituzten erakusmahaian baimen bat lor zezakeela komunikatu zioten arren.

Segurtasun gunetik kanpo zegoen arren, bidaiaria erakusmahai horretara joan zen hegazkina irteteko 40 minutu falta zirela, baina Ryanairreko arduradunek hegan egiteko aukera ukatu zioten, lapurretaren salaketa, gidabaimena eta NANaren fotokopia bat aurkeztu zituen arren. Eskainitako aukera bakarra hurrengo egunera arte itxarotea eta 100 euroko gainprezioa ordaintzea izan zen.



Informazio gehiago:Eitb: Ryanairren aurkako zigorra gizon bati hegazkina hartzen ez uzteagatik

153 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin