Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Russian Redek eta Carlos Jeanek kalean dauzkate lan berriak


2011-05-10 08:50

OBK eta Belgrado taldeek ere disko berria jarri dute salgai.

Russian Red: Fuerteventura. Lourdes Hernandez madrildarrak salgai du estudioko lan berria. Ikusmira handia dago disko horren inguruan, izan ere, Russian Redek izugarrizko arrakasta eta sona lortu du estreinako diskoarekin (I Love Your Glasses). Hasieran Home Tonight izena jarriko ziola bazirudien ere, azkenean, Fuerteventura izenburupean dakar Russian Redek bigarren diskoa. Lana osatzen duten hamaika abestiak ingelesez abestu ditu oraingoan ere artistak eta soinu elektrikoagoak eta alaiak aurkeztuko dizkigu bertan.

Carlon Jean: Introducing Carlos Jean. Ekoizle ezagunaren ibilbideari errepasoa egingo dio disko honek. Bertan, El Plan B proiektu berriari esker osatu duen Lead the way abestia eta haren birnahasketa topatuko ditugu, baita artistaren ibilbideko hainbat kantu arrakastatsu ere, Mr. Dabada, Give me the seventies, Tiempo (Bebe kantariarekin) eta Subterfuge diskoetxerako egin zituen lehen ekoizpen elektronikoak.

OBK: 2OBK. CD bikoitza jarri dute salgai OBK taldeak lehen singlea kaleratu zuenetik 20 urte igaro direla ospatzeko. Bertan, 1991 eta 2011 urteen artean kaleratutako abestien moldaketa berriak topatuko ditugu, taldeak bere ibilbidean egindako kantuak gaur egungo teknologiara eta joeretara egokitu ditu.

Belgrado: Belgrado. El Canto del Loco taldeko bajistak, Chema Ruizek talde berria aurkeztu digu disko honekin. esperientzia handiko musikariak bildu ditu taldean. Kutsu melodikoa, rocka eta elektronika uztartu dituen popa lantzen du taldeak lan honetan. 

Russian



Informazio gehiago:Eitb: Russian Redek eta Carlos Jeanek kalean dauzkate lan berriak

69 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin