Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Rubalcaba izango da oposizioaren buru eta Alonso, bozeramaile


2011-11-28 09:58

PSOEren Exekutibak Kongresuko talde sozialistaren presidente izango dena eta Mariano Rajoyri erantzungo diona, eta bozeramailea hautatuko ditu gaur.

Kongresua

Rubalcaba izango da oposizioaren buru eta Alonso, bozeramaile

PSOEren Exekutibak Kongresuko talde sozialistaren presidente izango dena eta Mariano Rajoyri erantzungo diona, eta bozeramailea hautatuko ditu gaur.

PSOEk Alfredo Perez Rubalcaba hauteskundeetako azken presidentegaia hautatuko du Kongresuko talde sozialistaren presidente izateko eta, beraz, Mariano Rajoy PPren buru eta Espainiako presidente izango denari erantzungo dio Kongresuan. Era berean, sozialisten Exekutiboak Jose Antonio Alonso berretsiko du bozeramaile kargurako.

Hainbat egunkarik, El Pais tarteko, gaur zabaldu dutenez, hori izango da sozialistek egingo duten aukera, aukera ?logikoena?, kongresu federalerako bi hilabete falta direnean.

Exekutiba Federalaren Batzordeak gaur egingo du bilera eta Kongresuan eta Senatuan talde sozialistak izango duen zuzendaritza erabakitzea izango da gai nagusia.

Kongresuan presa handia dago karguak aukeratzeko, abenduaren erdialdean Rajoy presidente izendatzeko saioa egingo baita eta han ordezkari sozialista nor izango den erabaki behar dute.

Azaroaren 20ko hauteskundeetako presidentegaia izango da Rajoyri inbestidura-saioan aurre egingo diona.

Gainerako karguak, bozeramaile eta idazkari nagusi, berdin jarraituko dute, Jose Antonio Alonsoren eta Eduardo Madinaren esku, hurrenez hurren.

Horrela, ez dute zuzendaritza berri bat aukeratu beharko eta otsailaren 3tik 5era egingo den kongresu federala itxaron ahal izango dute PSOEren baitan Jose Luis Rodriguez Zapatero ordezkatuko duena eta Batzorde Exekutiboa hautatzeko-

Senatuko egoera beste bat da, Carmela Silva aurreko legegintzaldiko bozeramailea orain diputatua baita.

Hala ere, sozialistek diote Senaturako ez dagoela presarik, beraz, talde sozialistaren zuzendaritza aukeratzeko prozesua atzera egin liteke.



Informazio gehiago:Eitb: Rubalcaba izango da oposizioaren buru eta Alonso, bozeramaile

38 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin