Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Rubalcaba: Azken sei asteak oso txarrak izan dira ETArentzat


2011-04-12 13:48

Bestalde, Barne ministroak aitortu egin du ezker abertzalearen azken agirian berritasunak daudela, baina ETAri indarkeria behin betiko uztea exijitzeko eskatu dio.

Alfredo Perez Rubalcaba Espainiako Gobernuko presidenteorde eta Barne ministroak txalotu egin ditu Guardia Zibilak gaur Legorretan egindako bi atxiloketak, eta azken sei asteak ETArentzat oso txarrak izan direla adierazi du.

Erakunde terrorista berriz antolatzen ari den galdetu diotenean, Estatua jada bikain antolatuta dagoela erantzun du.

Rubalcabak gainbegiratua eman dio azken hilabete eta erdiari, eta Otazua taldea eta ETAren zuzendaritza militarra desegin dituztela, eta besteak beste Jone Lozano atxilotu dutela aipatu du. Ez dakit ETA berriz antolatzen ari den, baina jakin badakit gu bikain antolatuta gaudela, berretsi du.

Gaur atxilotutako bi anaiei dagokienez, ETAn luze zeramatela eta historia garrantzitsua dutela adierazi du.


Ezker abertzalearen agiria

Bestalde, Rubalcabak hizpide hartu du ETAren eta Frantziako Poliziaren arteko tiroketaren ostean ezker abertzaleak publikatutako agiria. Egia da berrikuntzak dituela, aldaketak ditu eta aitortu beharra daukat, adierazi du, baina ETAri indarkeria behin betiko uzteko eskatu behar diola nabarmendu du.

Bilduri buruz, ministroak esan du berrikuntzarik duenean jakiten lehenak Estatuko Abokatutza eta Fiskaltza izango direla.



Informazio gehiago:Eitb: Rubalcaba: Azken sei asteak oso txarrak izan dira ETArentzat

49 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin