Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Romneyk Santorumen hazkundea geldiarazi du


2012-02-29 08:42

Massachusettseko gobernadoreak garaipen garrantzitsua lortu du Michiganen, eta hautagaitza indartu du hurrengo asteko superastearteari begira.

Mitt Romney Massachusettseko gobernadore ohiak garaipen garrantzitsuak lortu ditu gaur Michiganen eta Arizonan, Alderdi Errepublikanoaren Etxe Zurirako hautagaia izateko barne hauteskundeen baitan. Ondorioz, hautagaitza indartu egin du hurrengo asteko superastearteari begira.

Arizonan aise irabaztea ia segurutzat zuen, eta hala gertatu da, baina Michiganen berdinketa teknikoa zegoen Romneyren eta Rick Santorum lehiakide nagusiaren artean, inkesten arabera.

Michiganen, Romneyk ezinbestekoa izan behar zuen garaipena errepublikanoen hautagai bihurtzeko: aita gobernadorea izan zen estatu horretan, eta Romney bera han jaio eta hazi da. Beraz, galtzea kolpe handia izango zen.

Azkenean, irabazi egin du, baina alde txikiaz. Botoen % 97 zenbatuta, % 41 lortu ditu, eta Santorumek % 38.

Romney Alderdi Errepublikanoaren buruen faborito da, baina boto-emaileen artean ez du zirrara handirik piztu. Santorum, aldiz, sektore kontserbadoreenaren hautagaia da.

Superasteartea

Romneyk gaur lortutako garaipena garrantzitsua izan da, baina borroka inportanteena hurrengo astekoa izan liteke, orduan, martxoaren 6an, superasteartea izango baitute.

Egun horretan, 10 estatutan egingo dituzte barne hauteskundeak, eta orotara 437 ordezkari banatuko dira (1.144 behar dira Alderdi Errepublikanoaren hautagaia bihurtzeko).

Inkesten arabera, badirudi estatuak hautagaien artean banatuko direla. Adibidez, Romney Virginian da faborito, Santorum Tennesseen, Oklahoman eta Ohion, eta Newt Gingrich Georgian. Azken estatu hori, gainera, ordezkari gehien banatuko dituena izango da (76).

Michiganeko ordezkariak nola banatuko diren jakiteko faltan, Romneyk 156 ordezkari lortu ditu dagoeneko, Santorumek 37, Gingrichek 38 eta Ron Paulek 27.

Mitt



Informazio gehiago:Eitb: Romneyk Santorumen hazkundea geldiarazi du

54 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin