Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Romneyk garaipen zabala lortu du Floridan


2012-02-01 08:55

Massachusettseko gobernadore ohiak boto-emaileen % 46,4ren babesa jaso du errepublikanoek indar handia duten estatuan.

Mitt Romney Massachusettseko gobernadore ohiak garaipena lortu du Alderdi Errepublikanoak Floridan egin dituen hauteskunde primarioetan botoen % 46,4 jasota, botoen % 98 zenbatuta.

Romney Newt Gingirch Ordezkarien Ganberako presidente ohiari (% 31,9), Rick Santorum Pensilvaniako senatariari (% 13,4) eta Ron Paul Texasko kongresistari (% 7) gailendu zaie.

Hori horrela, Massachusettseko gobernadore ohiak isilarazi egin ditu bere hautagaitzaren inguruan zeuden zalantzak, Gingrichek Hego Carolinan primarioak irabazi ondoren.

Romneyk garaipen handitzat jo du Floridan lortutakoa. Gainera, prozesua defendatu du, izan ere, primario lehiakorrek ez gaituzte zatitzen, prestatu egiten gaituzte eta irabazi egingo dugu.

Nire lidergoak amaiera emango dio Obamaren aroari eta oparotasun garai berri bat hasiko da. Hemendik zazpi hilabetera hemen, gure konbentzioan, biltzen garenean, gure alderdia elkartuta egongo da eta AEBentzat garaipen txartela ekarriko du, azpimarratu du Romneyk.

Romneyrengandik 15 puntu atzera geratu bada ere, Gingrichek esan du estatu guztietan lehiatuko dela. Irabazi egingo dugu eta abuztuan gu aukeratuko gaituzte, adierazi du.

Florida

Romneyk Floridan lortutako garaipena orain arte eskuratu duen argiena izan da. Iowan lortu zuen aldea gezurtatu egin zuten botoak berriro zenbatu zituztenean, eta Santorumi eman zioten garaipena.

Floridan aurreko hiru primarioetako estatuetan (Iowa, New Hampshire eta Hego Karolina) baino boto-emaile gehiago daude eta Romneyri 50 ordezkari emango lizkioke.

Bestalde, erregistratutako errepublikanoek soilik eman zezaketen botoa Floridan; aurrekoetan, aldiz, independenteek eta demokratek ere bai.

Mitt



Informazio gehiago:Eitb: Romneyk garaipen zabala lortu du Floridan

187 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin