Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

R.E.M., La Fuga, Avril Lavigne, Placebo eta Elbow lan berriekin datoz


2011-03-07 09:11

Gustu guztiak asetzeko moduko musika topatuko dugu aste honetan salgai jarriko diren disko berrien artean.

R.E.M.: Collapse into now. Estudioko hamabosgarren lanarekin dator Georgiako (AEB) hirukotea. Talde estatubatuarrak kolaborazio interesgarriak izan ditu prestatzen diskoa osatzeko, Eddie Vedder (Pearl Jam taldeko kantaria), Patti Smith eta Peaches taldea entzungo baititugu hirukote estatubatuarrarekin batera kantari. Collapse Into Now  New Orleansen, Berlinen eta Nashvillen grabatu dute Michael Stipek, Mike Millsek eta Peter Buckek, Jacknife Lee ekoizlearekin. Millsek adierazi zuenez, disko anitzagoa egin nahi izan dute, abesti mota bakarrera mugitu gabe. Abesti batzuk oso motelak eta ederrak dira. Batzuk tempo erdikoak eta beste hiru edo lau oso rockeroak adierazi zuen musikariak. 

La Fuga: Raices. La Fugak aro berriari ekin dio Rulo abeslariak talde kantabriarra utzi ostean eta aro berri horretako lehen lana aste honetan kaleratuko dute. Iruñea alboko Sonido XXI estudioetan grabatu dituzte lan berriko kantuak. Disko berria zuzenean aurkezteko birako lehen daten berri eman dute eta bi hitzordu Euskal Herrian dituztela iragarri dute: maiatzaren 6an Barakaldon, Rock Star Liven eta 7an Atarrabian, Totem aretoan.

Avril Lavigne: Goodbye Llullaby. Avril Lavignek aste honetan dakar hainbeste kostatu zaion  Goodbye Lullaby diskoa. Urtebete darama argitaratzeko zain lanak, izan ere, kantariak arazoak izan ditu diskoetxearekin, kantu komertzialagoak eskatu zizkiolako. Kanadarraren hitzetan, bere ibilbideko diskorik konplexuena izango da. Lavignek berak ekoitzi ditu diskoko bi kantu (kantuen ekoizpenaz arduratzen den lehen aldia da) eta, beraz, disko berezia izango da beretzat.

Placebo:

Informazio gehiago:Eitb: R.E.M., La Fuga, Avril Lavigne, Placebo eta Elbow lan berriekin datoz

220 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin