Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Rajoyk Kongresuko eta Senatuko presidenteak iragarriko ditu gaur


2011-12-12 09:45

Amaiurreko diputatu hautetsiak akta hartuko dute gaur. Kongresuko Mahaiak bihar erabakiko du talde parlamentarioa osatu ahalko duten.

PPren agintaldiko lehen izenak gaur argituko dira. Izan ere, Mariano Rajoy Espainiako Gobernuko hurrengo presidenteak Kongresuko eta Senatuko presidente izateko proposatuko dituen pertsonak jakinaraziko ditu.

Halaber, PPk bi Ganberetan izango dituen bozeramaileak ere ezagutaraziko ditu.

Rajoyk PPren Zuzendaritza Nazionalaren aurrean egingo ditu iragarpenak.

Kongresuko presidente izateko hiru faborito omen daude: Alberto Ruiz Gallardon Madrilgo alkatea, Ana Pastor ministro ohia eta Jorge Fernandez Bartzelonako PPko presidentea. Senaturako, Pio Garcia Escudero dago kiniela guztietan.

Gorteak, bihar

Egutegiari jarraiki, bihar Gorte Orokorrak osatuko dituzte.

Saioak 10:00etan hasiko dira, eta horietan bi Ganberetako Mahaietako kideak aukeratuko dituzte.

Hauteskunde orokorretan gehiengo osoa lortu zuenez, PPk gutxienez bost kide izango ditu Kongresuko Mahaian (guztira bederatzi dira).

Amaiurren taldea, zalantza nagusia

Gaur bertan, Amaiurreko diputatu hautetsiak Madrilera joango dira, akta jasotzeko.

Era berean, hainbat alderdirekin batzartuko dira, talde parlamentarioa osatzeko helburuz.

Koalizio abertzaleak ez dauka bermatuta talde propioa eratu ahal izatea. Erabakia Kongresuko Mahaiaren esku izango da.

Mariano



Informazio gehiago:Eitb: Rajoyk Kongresuko eta Senatuko presidenteak iragarriko ditu gaur

346 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin