Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Rajoyk Gobernuaren osaera azalduko du karguaren zina egin ostean


2011-12-21 06:55

PPren buruak 11:00etan egingo du presidente karguaren zina Zarzuela Jauregian eta arratsaldean emango du alboan izango dituen ministroen eta presidenteordeen izenen berri.

Mariano Rajoy PPren buruak gaur emango ditu Gobernuko ministro berrien izenak, erregearen aurrean presidente karguaren zina egin ondoren.

Goizeko hamaiketan iritsiko da Rajoy Zarzuela Jauregira kargu berriaren zina egitera eta, 45 minutu geroago, Rajoy lehenengo aldiz agertuko da Moncloan Gobernuko presidente gisa.

Horixe jakinarazi du Komunikazioaren Estatu Idazkariak Jose Luis Rodriguez Zapateroren ondorengoari buruz zabaldu duen lehenengo mezuan.

Gobernuko presidentearen etxean emango ditu Rajoyk lehenengo orduak kargu berrian, izan ere, han lotu behar omen du Gobernu berria eta ministro berriekin hitz egin.

Era berean, Espainiako erregeari jakinaraziko dio Gobernu berriaren osaera eta gero prentsaurrekoa emango du ministroen eta presidenteordeen izenak azaltzeko.

Rajoy atzo izendatu zuten presidente bere alderdiko, UPNko eta FACeko diputatuen babesarekin; Amaiurren eta EAJren abstentzioarekin eta PSOE, Geroa Bai, CiU, UPyD, IU, BNG, ICV-EUiA, Cha, ERC eta Compromisen kontrako botoekin.

Mariano



Informazio gehiago:Eitb: Rajoyk Gobernuaren osaera azalduko du karguaren zina egin ostean

65 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin