Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Rajoyk aitortu du erreformek ez dutela eraginik izango epe laburrean


2012-02-15 10:55

Rubalcabak esaldi batean laburbildu nahi izan du erreforma: Soldata jaistea onartu ezean, kalera joango zara.

Mariano Rajoy Espainiako Gobernuko presidenteak aitortu du erreformek ez dutela ereginik izango epe laburrean, Espainiako eta Europako egoera ekonomikoen ondorioz, baina etorkizunean hazteko eta enplegua sortzeko oinarriak ezarri dituela gaineratu du.

Rajoyk Diputatuen Kongresuan egin ditu adierazpenok, Gobernuaren kontrolerako saioan, Alfredo Perez Rubalcaba PSOEko idazkari nagusiari egindako galderei erantzunda.

Rubalcabak lan erreformaren aurka egin du. Izan ere, bere aburuz, lan harremanen esparruari aurkeztutako osoko zuzenketa bat da. Hori horrela, erreforma esaldi batean laburbildu du: Soldata jaistea onartu ezean, kalera joango zara.

Egia da enpresek zein sindikatuek botere asko galduko dutela, baina guk jendearentzat, langileentzat, gobernatu behar dugu, esan du gobernuburuak.

Rubalcabak salatu egin du erreformaren edukia, Europan segurtasuna eta malgutasuna uztartzen saiatzen ari diren bitartean (malgu-segurtasun ideia), Rajoyren Gobernuak malgutasuna eta segurtasun eza uztartu ditu.

PSOEko idazkari nagusiaren hitzetan, erreformak segurtasun-gabezia ekarriko die lana dutenei, baina lan bila daudenei ere bai, enpresaburu berrien esku izango den kontratu motak (urte bateko proba epea aurrez ikusten du) kaleratze askea eta doanekoa ekarriko baitu.

Bere aldetik, Rajoyk nabarmendu du bi aukera zituela: Ezer ez egitea eta, PSOEk egin bezala, ezertarako balio ez duten erreformak onartzea, edo ostiralean onartutako proiektuak ezarritako bidean aurrera egitea.

Gobernuburuak gogorarazi du 20 eta 33 eguneko kaleratzea existitu egiten zirela, baina gaineratu du hemendik aurrera benetan funtzionatuko dutela.

Lan merkatuarena erreforma inportanteena den arren, oraindik gehiago onartuko dituztela aurreratu du.

Mariano



Informazio gehiago:Eitb: Rajoyk aitortu du erreformek ez dutela eraginik izango epe laburrean

46 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin