Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Rajoyekin hautsekundeez eta erreformez hitz egiteko prest dago Urkullu


2011-06-21 11:42

Bilduk udaletxe batzuetara eskoltak sartzea eragotzi ostean, EAJko EBBko presidenteak ardura eskatu die EAri eta Alternatibari, erabakiak adostasunez har ditzaten.

Iñigo Urkullu EAJko EBBko presidentea Mariano Rajoy PPko buruzagiarekin datozen hauteskunde orokorren eta gauza gehiagoren gainean hitz egiteko prest agertu da. Edozein kasutan, buruzagi jeltzaleak uste du hauteskunde orokorrak ez liratekeela aurreratu beharko ekonomia krisiari aurre egiteko aldaketa estrukturalak landu arte.

TVEri emandako elkarrizketa batean Urkulluk azpimarratu du Jose Luis Rodriguez Zapatero Gobernuko presidentearen esku dagoela hauteskunde orokorrak noiz egin erabakitzea.

Agian hauteskunde orokorrak erreforma proposamenik gabe aurreratzea, Espainiako estatuak beste instantzia batzuekin denbora galtzea izan daiteke bai Europako instituzio politiko-administratiboekin edota baita finantza arlokoekin ere. Izan ere, edozein delarik ere Espainiako gobernuan dagoena, erreformak bultzatu beharko ditu.

Gai horren gainean oraindik Mariano Rajoy PPko presidentearekin ez duela hitz egin azpimarratu ostean, berarekin horren eta gauza gehiagoren gainean hitz egiteko prest dagoela esan du Urkulluk.

Urkulluk eta Rajoyek izan zuten azken elkarrizketa maiatzaren 22ko hauteskundeen ostean izan zen, Espainian popularren garaipenaren ondoren. Zoriondu nuen, kortesia politikoz, eta hortik aurrera hilabete batzuk lehenagotik irekita geneukan elkarrizketa bidea zabaldu genuen, gaineratu du EBBko presidenteak.



Eskaria EAri eta Alternatibari

Iñigo Urkullu EBBko presidenteak era berean, ardura eskatu die Eusko Alkartasunari eta Alternatibari Bilduk udal batzuetan bizkartzainak sartzen ez uzteko hartutako erabakia adostua izan dadin. Bizi den distentsioan sartzen diren iniziatibak direla uste duen arren, beharrezkotzat jo du mehatxupean bizi direnen iritzia ere kontuan izatea.

Hobe izango litzateke neurri horiek adostasunez aurrera eramatea. Hori dela eta, Bildu osatzen duten formazio legalei, EAri eta Alternatibar,i ezkerreko koalizio sobaranistaren barruan adostasunekin jokatzeko erabakiaren arduradun izan daitezela eskatu die Iñigo urkulluk.



Informazio gehiago:Eitb: Rajoyekin hautsekundeez eta erreformez hitz egiteko prest dago Urkullu

67 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin