Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Rajoy: Mendeko politikari handienetako bat hil da


2012-01-16 10:54

Gobernuko, PPko eta oro har alderdi politikoetako ordezkariek dolumina adierazi dute Manuel Fragaren heriotzaren aurrean.

Gobernua eta PP

Mariano Rajoy Espainiako Gobernuko eta PPko presidenteak adierazi du Manuel Fraga mendeko politikari handienetako bat izan dela.

Rajoy PPko fundatzailea zenaren hil-kaperan izan da gaur goizean, Maria Dolores de Cospedal alderdiko bigarrenarekin batera.

Kazetarien aurrean egindako adierazpenetan, gobernuburuak goratu egin du Fragaren ibilbide akademikoa, profesionala eta politikoa, eta Espainiako trantsizioan giltzarria izan zela gogorarazi du.

Rajoyk azaldu du 22 urte zituela ezagutu zuela Manuel jauna, eta orduan buruzagi politiko garrantzitsua zela jada.

Bere esanetan, Fragak indarrak batu zituen, eta horren ondorioa gaur egun PP alderdi bozkatuena dela da.

Jose Maria Aznar Espainiako Gobernuko eta PPko presidente ohiak nabarmendu du Fraga patriota eta Estatu-gizona zela, eta Espainiaren eta espainiarren zerbitzura aritu zela.

PSOE

PSOEko zuzendaritzak doluminak adierazi dizkie Fragaren senideei eta lagunei eta PPko jarraitzaileei.

Demokratok esker onez gogoratuko dugu beti 1978ko Konstituzioa sortzeko lana, gaineratu du.

Halaber, eskuinean izan duen lidergoa, eta parlamentario gisa eta Galiziako Gobernuan egindako lana ere aintzatetsi diote.

Alfredo Perez Rubalcaba Espainiako Gobernuko presidenteorde ohi eta PSOEko idazkari nagusigaiak esan du PPko fundatzailea zerbitzari publiko aparta zela, eta arazo askori konponbidea eman diela.

CiU

Josep Antoni Duran i Lleida CiUko bozeramaileak doluminak adierazi ditu eta Fragari zeregin giltzarria aitortu dio trantsizioan.

EAJ

Iñigo Urkullu EAJko presidenteak doluminak adierazi ditu Fraga gizakia zen heinean, baina baztertu egin du haren ibilbide politikoa goratzea: Euskal nazionaliztok ez dugu goratuko Manuel Fragaren tankerako pertsona bat.

Mariano



Informazio gehiago:Eitb: Rajoy: Mendeko politikari handienetako bat hil da

48 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin