Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Rafa Diez: Euskal gizarteko itxaropenaren trena geldiarazi nahi dute


2011-06-20 13:04

Ezker abertzalea, EA, Aralar, Alternatiba eta Ezker Batuko ordezkariek uztailaren 2an Donostian epaiketa politikoak salatzeko egingo den manifestazioari babesa eman diote.Rafa Diez LABeko idazkari nagusi ohiak gaur Donostian esan du datorren hilaren 27an Madrilen Bateragune auziaren aurka hasiko den epaiketa euskal gizartean dagoen itxaropenaren trena errailetik ateratzeko oztopoak jartzeko saiakera da.

Donostian ezker abertzalea, EA, Aralar, Alternatiba eta Ezker Batuko ordezkariek parte hartu duten ekitaldi batean egin ditu adierazpen horiek Rafa Diezek. Alderdi horiek guztiak uztailaren 2an Donostian epaiketa politikoen aurka egingo den manifestaziora atxiki dira.

Auzi horretan Auzitegi Nazionalak ezker abertzaleko zortzi militante epaituko ditu, tartean Arnaldo Otegi, Rafa Diez eta Txelui Moreno; guztiei legez kanpoko Batasune berriro antolatzea egozten zaie.

Diezek gogorarazi du ezker abertzalearen lerro politiko berria atzera bueltarik gabekoa dela, apustu estrategiko irmoa egin duelako.

Sindikalista ohiak Gobernuari eta Estatuari etorkizun berrira batzeko deia egin eta garai berriei terapia berriak emateko eskatu die.




Informazio gehiago:Eitb: Rafa Diez: Euskal gizarteko itxaropenaren trena geldiarazi nahi dute

72 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin