Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

PSOEren Kongresua gaur hasiko da faborito argirik gabe


2012-02-03 08:46

Rubalcabaren eta Chaconen artean dago Jose Luis Rodriguez Zapateroren idazkari nagusi kargua hartzeko lehia. Bihar jakingo da nork irabazi duen.

PSOEren 38. Kongresu Federala hasiko da gaur Sevillan eta alderdian oraindik inork ez du argi nor izango den kongresutik aterako den idazkari nagusi berria, Alfredo Perez Rubalcaba ala Carme Chacon.

Kongresua goizean hasiko da Marcelino Iglesias Antolakuntza idazkariaren hitzaldiarekin eta alderdiko presidentearen izendapenarekin. Kargu horretarako Jose Antonio Griñan izendatuko dute.

Ondoren Manuel Chaves alderdiko egungo presidenteak hartuko du hitza eta horren atzetik Jose Luis Rodriguez Zapateroren txanda izango da, idazkari nagusi gisara egingo duen azken ekitaldian.

Azken orduan idazkari nagusi izateko hautagaitza aurkezteko epea irekiko da, eta Rubalcaba eta Chacon izango dira bakarrak. Izan ere, Antonio Querok iragarri du aurkezteko asmoa duela, baina ez dute uste beharrezko babesa lortuko duenik horretarako. PSOEko 956 ordezkarietako % 20ren babesa behar da idazkari nagusirako hautagai izateko.

Izendapena larunbatean izango da, eta prozesurako adostasun osoa egon da Rubalcabaren eta Chaconen artean.

Idazkari nagusia hautatzeaz gain, ordezkariek beste erabaki batzuk ere hartu beharko dituzte, Gobernuko presidente izateko hautagaia jarraitzaileei irekitako primarioetan hautatu ala ez, besteak beste.

Lehendakaria Rubalcabaren ondoan

Rubalcaba PSOEren idazkari nagusi hautatzen badute, hainbat hedabidek diote Patxi Lopez lehendakaria alderdiko bigarren buruzagia izango dela, eta ministro ohiak bere aldamenean nahi duela aitortu duen arren, ze kargu izango duen ez dakiela ziurtatu du.

Rubalcaba



Informazio gehiago:Eitb: PSOEren Kongresua gaur hasiko da faborito argirik gabe

42 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin