Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

PSOEren Kongresua: Carme Chaconen hordagoa


2012-02-01 13:36

Ministro ohiak uko egin zion hauteskunde orokorretan hautagai izateari, baina ez du utzi nahi izan alderdia zuzentzeko aukera.

Maiatzean PSOEren Espainiako Gobernurako hautagaia izaten saiatzeari uko egin eta gero, Carme Chacon PSOEko idazkari nagusi izateko lehian sartu da, sozialismo espainiarrean proiektu berri bat sustatzeko helburuz.

41 urte baino ez baditu ere, Chaconek ibilbide politiko luzea egin du dagoeneko.

Gainera, lehenengoa izan da hainbat kontutan, hala nola Espainiaren historiako ministro gazteena (36 urte zituela izendatu zuten Etxebizitza ministro) eta Defentsa ministro izan den lehen emakumezkoa. Asteburu honetan Alfredo Perez Rubalcaba menperatzen badu, Espainiako alderdi handietako bat zuzentzen duen lehen emakumezkoa ere izango da.

Maiatzean galdu egin zuen PSOEren hautagaia izateko borroka, Rubalcabari bidea libre uzteko, eta ondoren uko egin zion PSCko burua izateari, oraingoan hordagoa botatzeko, musean bezala.

Haren aldekoek uste dute Carme Chaconek aro berria ireki dezakeela PSOEn, Rubalcaban iraganeko errezeta berdinak ikusten dituztelako.

Lehia galtzen badu, ikusteke dago Rubalcabak posturik eskainiko dion zuzendaritzan.

Nolanahi ere, Chacon oso gaztea da oraindik, eta askotan esan du alderdia ez dela bere interes bakarra. Horrenbestez, pentsa daiteke berriz ere borroka egingo duela 2015eko hauteskunde orokorretan PSOEko hautagaia izateko.

Eta PSOEko idazkari kargua irabaziko balu, presidentegaia ere izaten saiatuko litzatekeela baieztatu du.

Carme



Informazio gehiago:Eitb: PSOEren Kongresua: Carme Chaconen hordagoa

63 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin