Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

PSOEko ikuskatzailea atxilotu dute Cadizen PDA bat lapurtzeagatik


2011-05-22 16:28

Hauteskunde eguna dozenaka bitxikeria uzten ari da gure geografian barrena, hemen horietako batzuk aipatu ditugu.

PSOEko ikuskatzaile bat atxilotu dute Cadizen, Linea de la Concepcionen, hauteslekuan zegoen Polizia Nazionalaren PDA bat lapurtzeagatik.

Gertaera goizeko hamarrak aldera izan da. Agenteak kargatzen ari zen PDAtako bat falta zela ohartu dira eta momentu horretan hauteslekuan zeudenen artean bila hasi dira. Azkenean, PSOEko ikuskatzaile gazte bat miatu dute eta falta zen PDA aurkitu diote. Lapurreta egotzita atxilotu egin dute.


Itsuek bozkatzeko modua

Nafarroako itsuek Nafarroako Parlamenturako hauteskundeetan modu autonomoan eta konfidentzialean botoa emateko aukera izan dute Foru gobernuak eta ONCEk aurrera eraman duten errazteko pakete baten bitartez.

Paketea gutun-azal bat da eta bertan tintaz eta braille hizkuntzan Nafarroako Parlamenturako Hauteskundeak irakur daiteke (sistema honek oraindik ez baitu udal hauteskundeetarako balio). Barruan sepia koloreko orri bat dago argibideak eta hautagai guztien izenak jasoz; hori guztia ere braille hizkuntzan.


Gor-mutu bat presidente

Espainian lehenengo aldiz gizon gor-mutu bat hauteskunde mahaiko presidentea izan da gaur, itzultzaile baten laguntzaz.

Jose Fernando Santamaria Burgos hiriburuko mahai bateko presidentea da eta bere lana normaltasun osoz egiten ari dela azaldu du, laguntzen ari zaion itzultzaileak esan duenez.


Benetako demokraziaren aldeko kamiseta

Alacanteko San Vicente del Raspeig herriko hauteslekuko presidentea, berriz, benetako demokrazia orain dioen kamiseta batekin joan da bere lanera.

Alakanteko Gobernuko ordezkariek esan dutenez, emakume hori presidente lana normaltasunez ari da egiten inork ez delako kexatu edo ez dutelako inpugnaziorik jarri.

Bestalde, Mutxamel herrian PPko hainbat ikuskatzaile kamiseta aldatzera behartu dituzte popularren logotipoa zeramatelako.

Benetako



Informazio gehiago:Eitb: PSOEko ikuskatzailea atxilotu dute Cadizen PDA bat lapurtzeagatik

85 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin