Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

PSOEk bere etorkizuna erabakiko du Sevillan


2012-02-03 09:55

Chacon eta Rubalcaba artean kontua ez dago batere argi. Kongresua hastear dela, bi hautagaien taldeko kideek kontuak atera dituzte, eta irabazletzat jotzen dute beren hautagaia.

Sevillan bildu diren 956 ordezkarien esku dago datorren lau urteotan sozialisten etorkizuna gidatuko duen pertsona nor izango den erabakitzea.

Gaurtik aurrera bertan egingo dute PSOEren 38. Kongresu Federala, eta larunbatean jakingo dugu nork hartuko duen Jose Luis Rodriguez Zapateroren tokia idazkaritza nagusian: Carme Chaconek ala Alfredo Perez Rubalcabak.

Chacon eta Rubalcaba artean kontua ez dago batere argi. Kongresua hastear dela, bi hautagaien taldeko kideek kontuak atera dituzte, eta irabazletzat jotzen dute beren hautagaia. Hori bai: alde txikiarekin.

Aurretik egin duten eskualdeko biltzarren faseak ez du erabakiaren nondik norakoak argitzeko balio izan, Kongresu Federalean ordezkari bakoitzak boto indibidual eta pertsonala emateko aukera baitu, inongo aginduri jarraitu gabe.

Ordezkaritzetako batzuek dagoeneko beren hautagaia babestu dute publikoki, baina beste askok ez dute erabaki argirik erakutsi, eta, beraz, ez da lan erraza idazkari nagusia nor izango den aurreratzea.

Kaleratu dituzten daturen arabera, 80 ordezkarik ez omen dute erabakia argi, eta horien botoa erabakigarria izan daiteke idazkaritza batera edo bestera bideratzeko.

Rubalcabak Euskadiko, Gaztela eta Leongo eta Extremadurako ordezkarien gehiengoaren babesa du. Chaconek, berriz, Kataluniarena. Hortik aurrera, ez dago ezer erabakita.

Valentziako eta Galiziako ordezkaritzetan, adibidez, botoa zatituta dago. Eta ez dira bakarrak: PSOErentzat hain garrantzitsua den Andaluziaren kasuan ere zatiketa da nagusi. Nafarroako sozialistek adostasunaren aldeko ordezkaritza aukeratu dute, baina adostasun hori bataren eta bestearen aldekoak batzean datza.

Lehia bizia dugu aurretik, beraz, eta, neurri handi batean, azken orduko negoziazioen menpe egongo da erabakia. Bai Rubalcabak eta bai Chaconek aldeko kideak bilatu beharko dituzte Kongresuan, eta balio handiko tresna izango dute lan horretarako: Alderdiaren zuzendaritza berria osatzeko aukera.

Sektore eta familia ezberdinak bertan batzeko erakusten duten gaitasuna erabakigarria izango da oraindik zalantzak dituzten horien dudak argitzeko. Beraz, lehen ordu hauetan korridoreetan egiten den lanak pisu handia izango da.

Idazkari nagusiaren izena larunbat arratsaldeko lehen orduetan jakingo dugu, eta alderdiaren zuzendaritza berriaren kideak nortzuk izango diren, berriz, igande goizean argituko dute.

Euskadiko eta Nafarroako sozialistak

PSE-EEren gehiengoak Alfredo Perez Rubalcabaren alde egin du. Patxi Lopez alderdiaren buruak ere publikoki agertu dio babesa Barne ministro ohiari eta joan den azaroko hauteskunde orokorretako hautagaiari. Araban bakarrik izango omen ditu Chaconek zenbait jarraitzaile.

Rubalcaba bera ere Euskadiko sozialistengan hartu du sostengu, eta, irabazle ateratzen bada, Patxi Lopezek Espainiako sozialismoaren etorkizunean toki garrantzitsua izan dezakeela esan du.

Nafarroako sozialisten kasuan, zatiketa argiagoa da. Eskualdeko biltzarrak integraziorako zerrenda bat utzi zuen mahai gainean. Zerrenda horretan, berriz, Chaconen alde dagoen Roberto Jiménez idazkari orokorra, eta Rubalcabaren alde, berriz, Javier Moscoso Kongresuko diputatua.

Beste erabaki batzuk

Sozialistek ohitura dutenez, Kongresuan alderdiaren barne organoak ere berrituko dituzte, eta, horrela, datozen lau urteotan Batzorde Federaleko eta bermeetarako epaimahaiko ordezkariak zeintzuk izango diren ere erabakiko dute.

Alderdiaren ildo estrategikoaren inguruko garrantzi handiko beste erabaki b

Informazio gehiago:Eitb: PSOEk bere etorkizuna erabakiko du Sevillan

38 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin