Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Prostituzio-etxe bateko bezeroak drogatu eta lapurtzeagatik atxilotuta


2012-02-21 10:03

Madrilgo Poliziak prostituzio-etxe bateko bederatzi langileak atxilotu ditu, bezeroei lapurreta egiteagatik. Poliziaren iturriek aditzera eman dutenez, atxilotuek 8.000 euro inguru lapurtu dituzte.

Espainiako Poliziak prostituzio-etxe bateko bederatzi langileak atxilotu ditu bezeroei lapurreta egitea egotzita. Poliziaren iturriek emandako informazioaren arabera, atxilotuek 8.000 euro inguru lapurtu dituzte.

Atxilotu guztien burua 55 urteko Pedro F.C. da, prostituzio-etxeko jabea eta ordainketa guztiak egiten ziren kontu korronteko onuraduna. Buruarekin batera, haren laguntzailea, hiru tabernari eta lau emagaldu atxilotu dituzte. Atxilotuek bezeroak drogatu eta txartelen sinadurak kopiatu eta faltsifikatu egiten zituzten iruzurra egiteko.

Ikerketa-lanak azaroan hasi zituzten, Poliziak zenbait salaketa jaso ondoren. Salaketa guztiak Castellana pasealekuan dagoen Azca inguruko lokal baten gainekoak ziren, eta jasotako informazioa aztertu ondoren, Poliziak ikerketa abiatu zuen. Prostituzio-etxean bertan atxilotu zituen langileak azaroaren 10ean.

Atzemandako substantzien artean, medikamentu zehatz bateko hainbat kapsula atzeman zizkioten emagalduetako bati. Medikamentu hori muskuluak erlaxatzeko erabiltzen da, eta gaindosiak gizabanakoak moteldu egiten ditu.

Biktimen testigantza

Biktimek jakinarazi dutenez, prostituzio-etxean zerbait edan zuten eta, bat-batean, nekea eta lo egiteko gogoa sentitu zuten. Kontzientzia berreskuratu eta handik irtendakoan, kontu korronteetan eurek baimendu gabe egindako mugimenduak aurkitzen zituzten.

Bezeroak prostituzio-etxearen kanpoaldean erakartzen zituzten propagandaren eta eskaintza berezien bidez. Prostituzio-etxera sartzen zirenean, tabernariek eta emagalduek bezeroei arreta galarazten zioten eta, haien konfiantza bereganatzean, edarian lo egiteko substantzia botatzen zieten. Bezeroak lokartzen zirenean, kreditu txartelak hartu eta iruzurra egiten zuten.



Informazio gehiago:Eitb: Prostituzio-etxe bateko bezeroak drogatu eta lapurtzeagatik atxilotuta

61 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin