Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Probarik gabe alertarik ez pizteko eskatu dio EBk Alemaniari


2011-06-07 11:57

John Dalli Osasun komisarioak proba zientifikoak eskatu ditu alarma abian jarri aurretik, izan ere, horiek gabe zentzugabeko alarmismoa zabaltzen dela eta ekoizleei kalte egiten zaiela salatu du.

John Dalli Osasun komisarioak proba zientifikorik gabe E. coli bakterioaren inguruko alerta gehiago ez pizteko eskatu dio Alemaniari, izan ere, Hamburg ingurua jotzen ari den elikagai-krisiaren inguruan zabaldutako alertak zentzugabeko alarmismoa zabaltzen duela eta ekoizleei kalte egiten diela azpimarratu du.

Funtsezkoa da agintariek arinegi ez jokatzea infekzioaren jatorriari buruzko informazioa ematen dutenean, iruzkin bakteriologikorik gabeko probek zentzugabeko izua zabaltzen dute Europa osoan eta arazoak eragiten dizkiete elikagai ekoizleei, azaldu du Dallik Euroganberan egin duten eztabaidan.

Horren harira, Osasun komisarioak gogorarazi du Alemaniak Espainiako pepinoei errua bota ziela hori frogatzen zuen testik egin gabe. Era berean, jatorria soja kimuetan dagoela ere ez dela frogatu azpimarratu du, eta Berlinek atzo esan zuena kritikatu.

Hori dela eta, Dallik ondorioak azkarregi ez ditzatela atera eskatu die estatuei eta Europako elikagaien alerta sistema proba zientifikoak dituztenean soilik jartzeko abian.

Azkenik, Osasun komisarioak azaldu du Dacian Ciolos Nekazaritza arduradunarekin harremanetan dagoela etengabe krisiak kaltetutako ekoizleei diru-laguntzak emateko.



Informazio gehiago:Eitb: Probarik gabe alertarik ez pizteko eskatu dio EBk Alemaniari

43 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin