Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

PPk uste du Rubalcabak ezin duela presidentegai izan Faisan auziagatik


2011-07-14 09:48

Ministro ohiak, bere aldetik, terrorismoaren kontra egindako borroka desitxuratzeko ahalegina ikusten du adierazpen horien atzean.

Soraya Saenz de Santamaria PPren Kongresuko bozeramaileak esan du Faisan auzian hiru poliziaburu inputatu izanak baliogabetu egiten duela Alfredo Perez Rubalcaba PSOEren presidentegai izateko datozen hauteskunde orokorretan.

Saenz de Santamariak Pablo Ruz epailearen erabakiaren berri izan ondoren prentsaurreko batean adierazi duenez, Rubalcaba Barne Ministeriotik atera izanak ez dio kentzen iritzi publikoari azalpenak emateko betebeharra.

Bozeramaile popularraren esanetan, Rubalcabak azaldu egin behar du nola den posible bere ondokoak (Victor Garcia Hidalgo Poliziaren zuzendari ohiak) ETA erakunde terroristari informazioa filtratzea.

Haren esanetan, Rubalcabak bere gain hartu behar duen ardura politikoa da eta, ministro bati edo presidenteari egia exijitzea zilegi denez, Saenz de Santamariak uste du datozen hauteskunde orokorretan herritarren babesa jasotzea espero duenari ere hala egin diezaiokeela.

Saenz de Santamariak azpimarratu du hiru poliziabururen, tartean Barne Ministerioko hirugarrenaren, kontrako prozedurak edonor baliogabetzen duela kargu bat izateko, baina baita herritarren konfiantza eskatzeko ere.

Rubalcabaren erantzuna

Alfredo Perez Rubalcaba Barne ministro ohi eta Gobernuko presidentegai sozialistak erantzun dio Faisan auziarekin zerikusia izan duten ETAko kide guztiak atxilotu zituztela bere garaian, eta epaituak izango direla.

Auzia mundu guztiaren atxiloketarekin amaitu zela azpimarratu ondoren, Barne ministro ohiak esan du poliziaburuen inguruko azken hitza auzitegiena dela.

Rubalcabaren arabera, PP Faisan auzia erabiltzen ari da terrorismoaren kontrako borrokaren inguruan eta berak egindako lanaren gainean zalantzak sortzeko. Terrorismoaren kontra egindako borroka desitxuratzeko ahalegina ikusten du adierazpen horien atzean.



Informazio gehiago:Eitb: PPk uste du Rubalcabak ezin duela presidentegai izan Faisan auziagatik

50 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin