Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

PPk salatu du Basauriko bozermaileak heriotza mehatxuak jaso zituela


2011-06-15 11:39

Alderdi Popularrak iragarri du salaketa aurkeztuko dutela Ertzaintzan. Basagoitik azaldu duenez, Bilduko jarraitzaileek lepoa moztuko diotela mehatxu egin zioten zinegotziari, hain zuzen ere.

Antonio Basagoiti Euskadiko PPko presidenteak iragarri du salaketa bat aurkeztuko dutela Ertzaintzan, Basaurin duten bozeramaileak heriotza mehatxuak jaso baitzituen udala osatu zen egunean.

Hain zuzen ere, lepoa moztu egingo diotela mehatxu egin zioten, buruzagi popularraren hitzetan.

Radio Euskadiko Boulevard saioan egindako elkarrizketa batean, Basagoitik adierazi du hainbat pertsona kezkatuta daudela bizkartzain zerbitzua murriztuko dietelako.

Hori horrela, Alfredo Perez Rubalcaba Barne ministroaren hitzak gogora ekarri ditu (arriskua txikitzen denean, babes beharra ere murriztu behar dela esan zuen), eta PPk bizkartzainen beharra ez duela gustuko esan dio.

Nolanahi ere, Basaurin, Elorrion edo Donostian zinegotizek bizkartzaina izango ez balute, gaur gertakizun larriagoak hizpide izango genituzkeela gaineratu du.

Basagoitiren hitzetan, Basaurko bozeramaileari heriotza mehatxu egin ziotenak Bilduko jarraitzaileak dira.

PPk bakean eta askatasunean bizi nahi du, baina Bilduri protagonismoa eman zaionez eta Batasuna harrotu egin denez, arrisku egoerak sortzen ari dira, salatu du.

Basagoitik nabarmendu du bizkartzain gehien dituztenak Martin Garitanok bezala pentsatzen dutenak direla, ETA ondoan baitaukate.



Informazio gehiago:Eitb: PPk salatu du Basauriko bozermaileak heriotza mehatxuak jaso zituela

183 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin