Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

PPk gehiengo osoa Espainian; Euskadin, PSE, EAJ eta Amaiur berdinduta


2011-11-20 20:00

Espainian, PPk 181-185 eserleku izango ditu, eta PSOEk 115-119. Euskadin, PSEk 4-5 lortuko ditu, EAJk 4-5, Amaiurrek 5-6 eta PPk 3-4.

PPk gehiengo osoa lortuko du gaur Espainian egindako hauteskunde orokorretan, PSOEri 14 puntu eta 60 eserlekuko aldea aterata; Euskadin PSEk, EAJk eta Amaiurrek berdindu egingo dute; eta Nafarroan UPN-PP koalizioa izango da garaile, TNS Demoscopia enpresak EITBrentzat hauteslekuetan egindako inkestaren arabera.

Espainian PPk 181-185 eserleku lortuko ditu (botoen % 43,5), hots, duela lau urte baino 27-31 gehiago, eta PSOEk 115-119 (botoen % 30), azken orokorretan baino 52-56 gutxiago. Sozialistentzat, euren historia osoko emaitzarik txarrenak dira.

Inkestaren arabera, Izquierda Unida (IU) nabarmen hazi da, 2 eserleku izatetik 9-11 izatera pasatuko baita. CiUk eta UPyDk ere egingo dute gora. CiUk 13-15 eskuratuko ditu (2008an 10 izan zituen), eta UpyDk 3-4 (bakarra zuen), denak Madrilen.

Amaiurrek 6-7 lortuko ditu, ERCk 3, BNGk 2, CCk 2-3, Compromis-ek 0-1, PxC-k (Alvarez Cascosen alderdia) 1 eta Geroa Baik 0-1.

Euskadin, berdinketa teknikoa izango da PSEren, EAJren eta Amaiurren artean.

PSE izango da alderdi bozkatuena, botoen % 25,2 eskuratuta, eta 4-5 diputatu izango ditu. EAJ izango da bigarrena (4-5 eserleku, botoen % 23,3), Amaiur hirugarrena (5-6 eserleku, botoen % 23,1) eta PP laugarrena (3-4 eserleku, botoen % 18.

Datu horiek eskuan, Amaiurrek talde parlamentarioa izango du, baina ez dago argi EAJk ere lortuko duen.

Nafarroan, UPN-PP koalizioa izango da lehen indarra (2-3 diputatu, botoen % 37) eta PSN bigarrena (1-2 diputatu, botoen % 23,5). Amaiurrek diputatu bat izango du (botoen % 15,3) eta Geroa Baik 0-1, botoen % 11,3rekin.

Andaluzia kolorez aldatuko da, PP garaile izango baita lehen aldiz, barruti guztietan, Sevillan barne.

Katalunian, PSC izango da lehen indar politikoa, baina CiUrekin berdinduko du eserleku kopuruan, eta PPk baino lau gehiago baino ez ditu izango.



Informazio gehiago:Eitb: PPk gehiengo osoa Espainian; Euskadin, PSE, EAJ eta Amaiur berdinduta

69 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin