Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

PP: Erkidegoen aurrekontua kontrolatzea ez da autogobernua erasotzea


2012-01-07 13:06

Zorraren arazoa aspalditik PPk gobernatutako erkidegoetan dagoela esan du PSEk.

EAEko alderdi popularrak erkidegoen aurrekontuen aurretiko kontrola defendatu du. Radio Euskadin, Laura Garridok esan du ez dela autogobernuari eraso egitea, EAJk eta Aralarrek esan duten moduan. Bestalde, Eusko Jaurlaritzak ez duela barra-barra gastatu duten erkidegoak eta eginbeharrekoa bete dutenak berdintzat tratatuko dituen inolako neurririk onartuko esan du PSEk.

Laura Garrido PPko legebiltzarkideak esan du erkidegoen aurrekontuak kontrolatzeko Gobernu zentralaren erabakia ez dela autogobernuaren aurkako erasoa eta ez dela autonomian muturrik sartuko berretsi du. Gainera, Europak estatuen ekonomia gainbegiratzen badu, ulergarria da Espainiak erkidegoek egiten dutena kontrolatzea, gaineratu du.

Ricardo Gatzagaetxeberria EAJko legebiltzarkidearen ustez, erkidegoek duten finantza eta aurrekontuen autonomiarekin haustura litzateke neurri hori.

Bestalde, Arabako PSE-EEko idazkari nagusiak, Txarli Prietok, esan du defizita eusteko lehengo urteko PPren eta PSOEren arteko akordio konstituzionalak ez duela PPren jokabide harrorako hizpiderik ematen.

Arazoa, aspalditik PPk gobernatzen dituen erkidegoetan dago. Defizita handitzen dutenak, Madril, Valentzia edota Gaztela-Mantxa bezalako erkidegoak dira. PPk bere erkidegotan ordena jartzeko arazoa baldin badu, arazorik ez dugunekin ez ordaintzeko eskatzen diot. Defizita eta zorra, hemen, kontrolpean dago, esan du.

UPyD, ordea, erkidegoen aurrekontuen kontrolaren alde azaldu da eta ohar baten bitartez, Kontzertu Ekonomikoa bertan behera uzteko eskatu du, anakronikoa dela argudiatuz. Gorka Maneiro legebiltzarkideak esan du Luis de Guindos Ekonomia ministroak aurreikusitako neurria babesten dutela eta Estatuak interes orokorraren alde egin behar duela gogoratu du.

Laura



Informazio gehiago:Eitb: PP: Erkidegoen aurrekontua kontrolatzea ez da autogobernua erasotzea

31 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin