Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Poliziak Frantziako atxilotuen etxea miatzen jarraitzen du


2011-03-11 14:18

Poliziak ETAko talde militarraren material informatiko ugaria aurkitu du. Horri esker, su-etenetik aurrera izandako mugimendu guztien berri izango dute segurtasun indarrek.

Frantziako polizia tekniko eta zientifikoak ETAko lau ustezko kideen etxea miatzen jarraitzen du. Laurak ostegunean atxilotu zituzten iparraldean, Alejandro Zobaran Arriola, Xarla, ETAko komandoen ustezko burua barne.

Miaketan, Poliziak ETAko talde militarraren material informatiko ugaria aurkitu du. Horri esker, irailaren 5ean iragarritako su-etenetik izandako mugimendu guztien berri izango dute segurtasun indarrek.

Poliziako iturriek Eferi jakinarazi diotenez, landetxeko miaketa lau atxilotuak bertan direla egiten ari dira eta bi egunez luza daiteke.

Atxilotuak

Barne Ministerioaren esanetan, Mikel Oroz Torrea ETAren logistika taldeko burua da. 31 urtekoa da eta eskarmentu handia dauka lehergailuen fabrikazioan eta garraioan.
1979ko apirilean jaio zen, eta duela bi urte ihes egin zuen. Kale borrokan aritu zen hasieran, eta ETAren hainbat taldetan egon eta antsietate krisi bat jasan eta gero, Frantziara alde egin zuen.

Iban Saez de Jauregi Kadizen jaio zen 1977an, eta Zobaranen eta Orozekin batera, ETAko kide bilatuenen zerrendan agertzen da.

Bere aldetik, Urko Labaka Larrea ihes eginda zegoen 2010eko ekainetik. Orduan, zita zeukan Auzitegi Nazionalean, Segiko beste 17 kiderekin batera epai zezaten, baina ez zen agertu.

Fiskalak zortzi urteko espetxe zigorra eskatu zuen harentzat, kale-erasoak egiten zituzten hainbat taldetako kide izatea egotzita.

Frantziako justizia ministroak adierazi du atzo atxilotutako ustezko ETAko kideetako batek zerikusia izan zuela Jean Serge Nerin jendarmearen hilketarekin, baina ez du argitu zein den.

Ibilgailuak lapurtzen ari zen ETAko kide talde batek hil zuen Nerin iazko martxoan eta hilketa horrengatik auziperatuta daude baita Mikel Karrera, Arkaitz Agirre-Gabiria eta Joseba Urbieta.

Miaketa bukatzean

Ohiko prozedurari jarraituz, miaketa bukatzean, lau atxilotuak SDATen Levallois Perreteko egoitzara bidaliko dituzte, Parisen kanpoaldean, eta han astelehen gauera arte gera daitezke, izan ere, orduan beteko dira 96 ordu atxilotu zituztenetik.

96 ordu horietako azken fasea SDATeko egoitzan igarotzen dute, eta epe hori agortuta (batzuetan, agortu aurretik ere) Frantziako Justiziaren esku izango dira; konkretuki, terrorismoaren ardura duen Pariseko Epaitegira.

src=http://www.eitb.com/multimedia/images/2011/03/11/435865/435865_eta_detalle_1.jpg/



Informazio gehiago:Eitb: Poliziak Frantziako atxilotuen etxea miatzen jarraitzen du

109 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin