Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Poliziak dio Bateragunek zuzendaritza politikoa zuela ETArekin batera


2011-07-04 16:34

Peritu baten esanetan, ETA eta Bateragune osotasun berdinaren parte ziren.Poliziako peritu batek adierazi du ETA eta Bateragune osotasun berdinaren parte dela, eta Bateragune esparru politikoaren zuzendaritza zela, erakunde terroristarekin batera.

ETA abangoardia da, zuzendaritza politiko-militarra, esan du agenteak, Vicente Gonzalez Mota fiskalaren galderei erantzunda.

Agenteak azaldu duenez, ETAk etenaldiak egitea aurrez ikusita zuen, eragile politiko eta sozial independentisten indar metaketa lortzen saiatzeko. Zeregin horretan, Bateraguneko kideak erakunde terroristaren ordezkariak ziren estrategia hori garatzeko.

Perituak gaineratu du estrategia hori ez dela berria, ETAk jakin badakielako ezin dela abertzaleen batasunean aurrera egin hilketak egiten ari diren bitartean.

Gauza bateraezinak dira. Ez dut inor ezagutzen bi gauzak aldi berean egitea proposatu duena. Gauzaezina da, hilketak egitean zaila da norbait zurekin joatea, gaineratu du.

Adierazpen horiek argudiatzeko, poliziak txosten batzuk aipatu ditu, hala nola Miren Zabaleta auzipetuaren etxebizitzan atzemandako bat. Horretan, ETAk aztertu egin zuen agindutako irizpideak nola betetzen ari ziren, eta irizpide gehiago ezartzen zituen eztabaida prozesua garatzeko.

Halaber, Otegiri atzemandako beste bat eta 2009ko martxoaren 16an egindako prentsaurreko bat ere aipatu ditu. Agerraldi horretan, ezker abertzaleko esparru osoko 14 ordezkariko batzorde bat aurkeztu zela dio agenteak.

Azkenik, Ekaitz Sirvent 2009ko apirilean atzemandako ETAko ustezko kideari atzemandako beste txosten baten arabera, erakunde terroristak indar metaketaren alde egiten duela gogorarazi du poliziak.



Jose



Informazio gehiago:Eitb: Poliziak dio Bateragunek zuzendaritza politikoa zuela ETArekin batera

47 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin