Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Pirinioetan bi hartz askatzeko baimena eskatu diote Foru Gobernuari


2011-12-21 12:38

Egun, soilik hiru hartz arre ar daude bertan eta emerik gabe espeziea berreskuratzea ezinezkoa izango da.

Animalia Basatien Protekziorako Elkarteak (FAPAS) Pirinioetan bi hartz eme gazte askatzeko baimena eskatu dio Nafarroako Gobernuari. Helburua, bertan, espeziea berreskurtzea da.

Proposamena, Kroaziatik edo Esloveniatik ekarritako 12 eta 16 hilabete arteko bi hartz arre eme askatzea da. 30.000 euroko gastua izango litzateke, eta elkarteak hartuko luke bere gain.

Pirinioetan egun dauden hartzekin genetikoki antzekoak direlako hautatu dute espeziea. Egun, zona horretan, soilik hiru hartz ar daude 2004an ehiztari frantses batek hartz emea hil zuenetik.

Hiru hartz hauek, Espainia eta Frantzia artean bizi dira eta emerik gabe, espezie hau berreskuratzea ezinezkoa da, elkarteak ohar batean adierazi duenaren arabera.

Nafarroako Gobernuak onartuz gero, 2012 eta 2013 urteetan askatuko lituzkete hartzak. Mugatik bestaldera ezinezkoa izan da adostasun batera iristea eta Frantziako Gobernuak sarrera geldiarazi du.

Hasierako asmoa, FPASek esan duenez, Asturiaseko Kantauri mendikatetik sartzea zen, baina bertako gobernu berriak ere ezezkoa eman die.



Informazio gehiago:Eitb: Pirinioetan bi hartz askatzeko baimena eskatu diote Foru Gobernuari

35 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin