Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Pink Floydi buruz sekula egin den argitalpen handiena aterako du EMIk


2011-05-11 09:16

Why Pink Floyd?... izenburupean, talde britainiarrak eta diskoetxe ezagunak prozesu luze baten ostean hautatutako materiala argitaratuko dute hainbat formatutan.

Pink Floyd taldeari buruz sekula egin den argitalpen handiena eta osatuena kaleratuko duela jakinarazi du EMI diskoetxeak. Irailaren 26an hainbat formatutan argitaratuko duten bilduma prozesu luze baten ostean hautatutako materialarekin osatuko dute eta Why Pink Floyd?... izenburupean jarriko dute salgai. Baina proiektua ez da hor bukatuko, 2011ko azaroan eta 2012ko otsailean jarraipena izango baitu.

1967. urtetik elkarrekin lanean ari badira ere, talde britainiarrak eta diskoetxe ezagunak ez dute sekula horrelako lan osaturik kaleratu. Orain dela gutxi sinatu dute akordioa argitalpen berezi horiek egiteko. Hainbat formatutan jarriko dute salgai material hori guztia: CD, DVD, Blu-Ray, SACD (Super Audio CD), formatu digital guztiak eta iPhone Apps.

Pink Floyd taldea 1965an sortu zen Cambridgen eta 1994. urtera artekoibilbidea osatu zuen. Musikaren historiako talde arrakastatsu, ezaguneta enblematikoenetako bat izan da eta milioika zale ditu mundu osoan. Facebooken daukaten orriak, esaterako, 11 milioi jarraitzaile ditu.

Bilduma berriak jarraitzaile horiek asetuko ditu, sekula argitaratu gabeko materiala, errestauratutako kontzertuetako grabazioak eta Wembleyn 1974an egindako The Dark Side Of The Moon emanaldi ospetsuaren grabazioa topatuko baitituzte, besteak beste, bertan.

Proiektu honetan, Discovery CD bermasterizatuez eta CD/DVD/Blu-Ray eta memorabilia bilduko dituzten Immersion kutxez gain, Experience Editions argitalpenak egongo dira eskuragarri. Azken horietan, disko klasikoari material osagarria gehituko diete.

2011ko irailaren 26an jarriko dute salgai lehen argitalpena eta, bertan, The dark side of the moon maisulanaren luxuzko argitalpen osatu eta bereziak bilduko ditu hainbat formatutan: sei diskoko Immersion kutxa, Experience disko bikoitza; binilozko LPa bilduma zaleentzat; hainbat formatu digital. Gainera, digitalki bermnasterizatuta jarriko dituzte salgai taldearen estudioko 14 diskoak eta, bakarka argitaratzeaz gain, guztiak bilduko dituen kutxa berezia ere kaleratuko dute.

Gainera, marketing digital berezia jarriko dute martxan taldearen zaleek Pink Floyden musikari sormen-ekarpenak egin ahal izateko. Eta iPhone Appsek ere esperientzia berezia jarriko du martxan grabazio historikoetarako.

2011ko azaroaren 7an, berriz, proiektuaren bigarren zatia helduko da. Wish You Were Here lana izango du ardatz eta ondorengo argitalpenak izango ditu: bost disko bilduko dituen Immersion kutxa eta bi disko bilduko dituen Experience argitalpena. Bietan 1974an Wembleyn grabatutako kontzertuko material osagarria sartuko dute eta, gainera, Shine On You Crazy Diamondren zuzeneko grabazioko 20 minutu eta Stephane Grappelli jazz biolinista ezagunak egindako Wish You Were Hereren grabazio bakarra ere bilduko dituzte. Bestalde, binilozko LPan eta formatu digitaletan ere egongo da eskuragarri lana.

Halaber, A Foot In The Door: TheBest Of Pink Floyd ere jarriko dute salgai, Pink Floyden kantu arrakastatsuenak lehen aldiz lan bakar batean elkartuko dituen bilduma. 

Wish You Were Here lanaren bertsioa 5.1 formatuan ere eskuragarri izango da, JamesGuthriek nahastutakoa. 

Informazio gehiago:Eitb: Pink Floydi buruz sekula egin den argitalpen handiena aterako du EMIk

63 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin