Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Pearl Jam eta Kasabian taldeak lan berriekin datoz


2011-09-19 11:42

Gainera, Rulo y la contrabandaren eta Los Secretosen disko berriak entzun ahal izango ditugu aste honetan.

Pearl Jam: Twenty. Twenty dokumentalaren musika dago Pearl Jam taldearen lan berri honetan. Bi diskok osatzen dute lana; lehenengoan zuzeneko grabazioak daude, eta bigarrengoan, bitxikeriak eta demoak.

Soinu-banda hau Sony etxeak kaleratuko du, eta mundu osoan eskuratu ahal izango da. 29 abesti izango dira bilduman, eta ia kantu guztiak zuzenekoak dira.

Diskoak 36 orrialdeko liburuxka bat du, estalki gogorra du eta oso itxura polita du azalak.

Dokumentala Cameron Crowek zuzendu du, eta pelikula Torontoko Nazioarteko Zinema Jaialdian estreinatu zuten irailaren 10ean.

Rulo y la contrabanda: A ras de cielo. En directo desde Santander: 2011ko uztailaren amaieran Santanderren grabatutako kontzertu batek osatzen du diskoa, eta emanaldia Santanderreko Magdalenako La Campan izan zen. 170 minutuko iraupena du, eta musikaz eta irudiez gozatzeko aukera eskaintzen du disko honek.

CD+DVD formatua izango du material berri honek. CDak 16 abesti bilduko ditu, eta DVDak, berriz, 21. Gainera, DVDan bideoklip hauek ikusi ahal izango dira: La cabecita loca, Heridas del rock&roll eta Mi cenicienta. 40 minutuko dokumentala ikusteko aukera ere izango da DVD honetan.

Los Secretos: En este mundo raro. 2006an kaleratu zuen Los Secretos taldeak azken lana, Una y mil veces, eta horren ondoren datorren lehenengo diskoa da hau.

San Pedro de Alcantarako El Cortijo estudioan grabatu dute lana, eta Carlos Narea ekoizlearen kolaborazioa izan dute. Disko honetako 13 abestiak berriak dira, eta taldearen espiritu eta soinua izaten jarraitzen dute.

Bildumari izena ematen dion abestia da lehenengo singlea.

Kasabian: Velociraptor!. Kasabian taldearen laugarren lana da. Serge Pizzornok idatzi eta ekoiztu du lana, Leicesterren grabatu dute eta San Franciscon egin dituzte nahasketa lanak. Dan The Automatorren ekoizpena izan da.

Taldearen jarraitzaileak zuzeneko une onenekin gozatzeko aukera izango dute, luxuzko edizioa osatuko duen DVDarekin. Dublinen eskainitako kontzertu baten grabazioa da, eta taldearen kantu onenen artean hauek daude: Shoot The Runner eta Fire, besteak beste.

Pearl



Informazio gehiago:Eitb: Pearl Jam eta Kasabian taldeak lan berriekin datoz

44 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin