Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Paul Weller ere Azkena Rocken arituko da


2011-05-30 16:28

The Jam taldeko lider izandakoa ekainaren 25ean arituko da Gasteizko Mendizabalan. Gainera, Rob Kingsleyk eta James Hunter-ek doako kontzertuak emango dituztela iragarri dute.

Paul Weller 2011ko Azkena Rock jaialdian arituko dela baieztatu dute. The Jam taldeko lider izandakoa ekainaren 25ean arituko da Gasteizko Mendizabalan beste izar handi batzuekin batera, Brian Setzer eta Gregg Allmanen egun berean igoko baita taula gainera.

Paul Weller musikari ingelesa rockaren historian pisu handia izan duten bi talderen sortzailea izan da, The Jam eta The Style Council taldeena. Mod mugimenduaren aitatzat daukate bera eta 90eko hamarkadan bakarkako bide arrakastatsuari ekin zion, rocka, folkarekin eta countryarekin uztartuta. Iaz kaleratutako Wake Up the Nation diskoa besapean hartuta iritsiko da Gasteizera.

Gainera, Azkena Rock Festival jaialdiko antolatzaileek iragarri dute, aurreko urteetan bezala, jaialdiaren egunetan, ekainaren 23an, 24an eta 25ean, 13:30ean Ama Zuriaren enparantzan, jaialdiko hainbat artistak doako kontzertuak emango dituela. Aurten Rob Kingsley eta James Hunter arituko dira.

Bestalde, ekainaren 26an, Ama Zuriaren enparantzan kontzertu oso berezia egingo dute. Bezperan Mendizabalan aritu ostean, Greg Allmanek kontzertu akustiko bat emango du bertarako bereziki prestatutako abesti-sorta taularatzeko.

Gogoratu 2011ko Azkena Rock festival jaialdian arituko direla, halaber, Ozzy Osbourne, Queens Of The Stone Age, The Cult eta Rob Zomby, besteak beste.

src=http://www.eitb.com/multimedia/images/2010/06/14/306576/306576_PaulWeller_detalle_1.jpg/



Informazio gehiago:Eitb: Paul Weller ere Azkena Rocken arituko da

116 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin