Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Patxi Zabaleta bosgarrenez Aralarreko koordinatzaile nagusia izango da


2011-09-18 14:28

Zabaletak militanteen botuen % 84,5ak lortu ditu Derion (Bizkaian) egin duten V. Kongresuan. Gainera, azaroaren 20an Bilduko kideekin batera aurkeztea onartu dute.

Patxi Zabaleta bosgarrenez aukeratu dute Aralarreko koordinatzaile nagusi Derion egin duten alderdiaren V. Kongresuan botuen % 84,5arekin.

Gainera, alderdiaren exekutiban Rebeka Ubera, Txentxo Jiménez, Maite Sarasua, Dani Maeztu, Fernando Hevia, Maritxu Goikoetxea, Aser Lertxundi, Joseba Abaitua, Igor López de Munain, Iosu Murgia, Ainhoa Beola eta Asun Fernández de Garaialde aukeratu dituzte.

Aralarren estatutuen arabera ? aldaketa batzuk jaso ditu eta berriz bozkatu dira- koordinatzaileari dagokio exekutibari koordinatzaileorde eta antolakuntzarako idazkari karguak proposatzea.

Horregatik, orain, Zabaletak proposatu beharko du koordinatzaileorde berria. Izan ere, Jon Abrilek ostiralean iragarri zuen bere kargua uzteko asmoa Twitter sare sozialean: Aralar alderdiaren kongresuan koordinatzaileorde funtzioak utziko ditut. Garai berria hasiko dut, politikako lehen lerrotik kanpo, idatzi zuen.

Azaroko hauteskundeetan Bildurekin joateko erabakiak oniritzia jaso du

Militanteen % 71,75ak onartu du datozen hauteskunde orokorretara Bildurekin (ezker abertzalea, EA eta Alternatiba) koalizioan joatea.

Alternatibak Bildurekin eta Aralarrekin koalizioan joatea berretsi du

Alternatibako Kotseilu Nazionalak, Donostian bilduta, datorren hauteskunde orokorretan ezker abertzalearekin, EArekin eta Aralarrekin koalizioan joatea berretsi du.

Alternatibako bozeramaileak, Oskar Matutuek, ohar batean adierazi du ezkerreko polo soberanista plural baten eraikuntzan pausu bat gehiago da Madrilera euskal gizarteak hasi duen aldaketa eramateko.


Patxi



Informazio gehiago:Eitb: Patxi Zabaleta bosgarrenez Aralarreko koordinatzaile nagusia izango da

202 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin