Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Patxi Lopezek Gobernuarekin lan egingo du presoak bergizarteratzeko


2011-10-24 14:55

Lehendakariak EAJren presidentearekin izandako bileraren ondoren azaldu duenez, Gobernuarekin elkarlanean aritzeko ?borondatea? du ?terrorismoak eragin dituen arazoak konpontzeko?.

Patxi Lopez lehendakariak iragarri du datorren Espainiako Gobernuarekin elkarlanean arituko dela ETAko presoen bergizarteratzean aurrera egiteko, demokrazian sartzeko eta legea errespetatzeko borondatea erakusten duten heinean.

Lehendakariak agiria irakurri du Iñigo Urkullu EAJren presidentearekin bildu ondoren, ETAk jarduera armatua utzi eta gero alderdi politiko guztiekin hasi duen bilera-sortaren baitan.

Lehendakariak Gobernuarekin elkarlanean aritzeko borondatea erakutsi omen dio Urkulluri terrorismoak eragin dituen arazoak konpontzeko.

Lehendakariaren arabera, terrorismoaren ondorenari batasun osoz eta irizpide argiz eutsi behar diogu, zuhurtziaz, arduraz eta irekita.

Ausardia agerian utzi genuen indarkeria totalitarioaren aurrean demokrazia mehatxu larrian egon zenetan, adierazi du lehendakariak, bakea lortzeko ausarta izateko eskatu diotenei erreferentzia eginez.

Indar politiko eta sozialekin akordioetara iristen saiatuko omen da lehendakaria, baina aitortu du hauteskundeak gertu egoteak zaildu egiten duela irizpide partekatuak eskatzen dituzten erabakiak hartzea.

Lehendakariak Eusko Legebiltzarrean, irailean, aurkeztu zuen hamar puntuko ibilbide orria defendatu du memorian, demokrazian, euskal gizartearen aniztasunean eta sentsibilitate politiko guztien integrazioan oinarritutako garai berria eraikitzeko.

Bake prozesuan presarik ez duela onartuko azpimarratu du, izan ere, euskal gizarteak 40 urte baino gehiago itxaron du momentua iritsi arte, eta oraindik frogatzeke dago indarkeriaren amaiera egiazkoa eta betiko izango ote den.

Bestalde, lehendakariak askatasuna eta elkarbizitzarako garai berria ospatzeko ekitaldi publiko bat egiteko aukera aipatu dio Urkulluri.

Urkullu



Informazio gehiago:Eitb: Patxi Lopezek Gobernuarekin lan egingo du presoak bergizarteratzeko

42 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin