Patxi Lopezek PSOEko exekutiboan duen kargu berriak lehendakaritzaren aurrean duen ardura eragotziko ote duen kezkatuta agertu da Iñigo Urkullu EAJren burua.
Iñigo Urkullu EAJko presidenteak Patxi Lopez lehendakariak PSOEren exekutiboan duen kargua dela eta kezkatuta agertu da. Lehendakaria ez bataz ez besteaz arduratuko ez ote den kezka azaldu du Urkulluk.
Madrilen egindako agerraldi batean, Urkulluk esan duenez, Patxi Lopez PSOEren Exekutiboko kide berri izendatu izana errespetatzen du, baina ez bata ez bestea egingo duen beldur dela azpimarratu du.
Alfredo Perez Rubalcaba PSOEko idazkari nagusiak Patxi Lopez goi mailako politikaria zela esan zuela gogoratu du Urkulluk, baina lehendakariak bere konpromisoa Euskadin dagoela esanda Sevillako Kongresuaren osteko Exekutiboaren lehen bileran ez duela parte hartu azpimarratu du. Ez dakit zertarako aukeratu duten orduan, erantsi du jeltzaleen buruak. Exekutiboan arrakastarik handiena opa diot, gaineratu du.
Bestalde, Jaurlaritzarekin izan duen polemikaz galdetuta, jeltzaleen buruak adierazi du Rodolfo Ares Herrizaingo sailburuak Euskadiko egoera larriaz ohartarazi ziola dei batean, eta hain zuzen, egoera martxorako oso gordina izango zela esan ziola.
