Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Patxi Lopez: Erabakiak herritarrengandik hurbil hartu behar dira


2011-03-21 13:29

Lehendakariak gaur esan duenez, erabakiak herritarrengandik ahalik eta hurbilen hartu behar dira, eraginkorragoak izateko.

Eskumenak eta baliabideak modu logikoan banatu behar direla uste du Patxi Lopez lehendakariak, batez ere erakunde bakoitzak dituen erantzukizunak kontutan hartuz eta arazoei aurre egiteko duen gaitasuna ondo aztertuz.

Lehendakariak gaur esan duenez, erabakiak herritarrengandik ahalik eta hurbilen hartu behar dira, eraginkorragoak izateko. Subsidiaritateari buruz Bilbon egon duten Europar Batasuneko Eskualdeen Batzordeak antolatutako biltzarrean esan ditu hitzok.

Lisboako Ituna indarrean sartu zenetik urtebetera, arlo horretan zein urrats eman diren aztertu dute ekimen honetan.

Patxi Lopezek energia aurrezteko Euskal Autonomia Erkidegoak hartu dituen neurriak goraipatu ditu, besteak beste. Zentzu honetan, Lopezek udal eta eskualdeen protagonismoa aldarrikatu du inaugurazio saioan.

Bere esanetan, arazoak globalak dira, baina arazo horiei konponbidea emateko erabakiak eraginkorragoak izango dira herritarrengandik gertuen dauden erakundeetan hartzen badira.

Subsidiariotasun kontzeptuari garrantzi handia ematen zaio Euskadin, Patxi Lopezek esan duenez. EAEk Eskualdeen Batzordearen bigarren lantaldean parte hartu duela gogoratu du, energia aurrezteko taldean eta Gizarte Berrikuntza eta enpresen ardura sozialari buruzkoan, alegia.

Bestalde, Arantza Quiroga Eusko Legebiltzarreko presidenteak esan du, Europako araudia hiritarrei moldatu egin behar dela, eta ez, orain arte gertatu den modura, alderantziz. Boterea hiritarrei bueltatu behar zaie, gaineratu du.



Informazio gehiago:Eitb: Patxi Lopez: Erabakiak herritarrengandik hurbil hartu behar dira

84 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin