Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Pasaiako kanpo portua egiteko protokoloa sinatu dute Madrilen


2011-04-05 19:09

Hasi gara Pasaiarekin urteetan izan dugun zorra kitatzen, Pasaia biziberritzeko itzulerarik gabeko konpromisoa hartu dugulako, adierazi du Markel Olano Gipuzkoako diputatu nagusiak ekitaldian.

Pasaia eraberritzeko eta kanpo portua egiteko protokoloa sinatu dute Espainiako Gobernuak, Eusko Jaurlaritzak, Gipuzkoako Foru Aldundiak eta Pasaiako Portuko Agintaritzak Madrilen.

Gaur hasi gara Pasaiarekin urteetan izan dugun zorra kitatzen, Pasaia biziberritzeko itzulerarik gabeko konpromisoa hartu baitugu, adierazi du Markel Olano Gipuzkoako diputatu nagusiak arratsaldean.

Pasaiako egungo portua eta badia ingurua eraberritzeko xedea dute erakundeek, baita kanpo kaia egiteko asmoa ere. Pasaiako Udalak ez du parte hartu ekitaldian. Gaur egungo Udala ez dago kanpoko kaiaren alde.

Aldundiaren arabera, herri hura da Gipuzkoako eremurik kaltetuena. Ondorioz, gaurko eguna zorion handikoa da, legealdi honen hasieran gure buruari ezarri genizkion erronketatik garrantzitsuenetako bat irabaztea lortu baitugu, esan du Olanok.

Kanpo portuak garrantzia berezia du Espainiako Gobernua, Jaurlaritza, Aldundia eta Pasaiako Portuko Agintaritzarentzat, baina biziberritze lanak ez dira haren zain egongo, Olanok hitz eman duenez.

760 milioi euro

Orotara 760 milioi euro beharko dira kanpoko portua eraikitzeko. Inguru hau da andeatuen dagoena Gipuzkoan. Euskal erakunde eta Madrilgo Sustapen Ministerioaren artean sinaturiko protokoloari esker erakunde bakoitzaren parte-hartzea bermaturik geratu da, finantzaketa eta obren egutegia finkatuko da ondoren zenbait hitzarmenekin.

Bihar bertan Portuko Agintaritzak eta portuko zamaketa, garraio , ontzigintzalari eta portuko zerbitzuak ematen dituzten enpresen artean logistika sustatzeko hitzarmena sinatuko dute.




Informazio gehiago:Eitb: Pasaiako kanpo portua egiteko protokoloa sinatu dute Madrilen

154 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin