Pablo Ibarren defentsak heriotza-zigorra ezarri zion epaiketa errepikatzea eskatu zuen, baina Floridako epaile batek baztertu egin du eskaera.
Pablo Ibarren epaiketa ez da errepikatuko. Horrela erabaki du Floridako epaile batek, eta era honetan, Pablo Ibarren defentsak epaiketa errepikatzeko eskatzen zuen helegitea baztertu du.
Benjamin Waxman Ibarren abokatuak etsita daudela esan du. Epaileak hiru aldiz atzeratu du erabakia abokatuaren azalpenak aztertzeko denbora gehiago behar zuela argudiatuz.
Waxmanek beste helegite bat jarriko dutela baieztatu du, oraingoan Floridako Auzitegi Gorenean. 30 egun ditu dena kudeatzeko eta bi edo hiru urte pasa daitezke erakunde horrek erantzunen bat eman arte.
Ibar Floridako Starke espetxean dago 2000 urtez geroztik, 1994an AEBetako hegoaldean hiru lagun hiltzea egotzita hertiotza-zigorra jarri ziotenetik.
