Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ozzy Osbournek hasiko du bihar Azkena Rock Festival jaialdia


2011-06-22 12:25

Gregg Allman, Paul Weller, Rob Zombie, The Cult, Eels edo Queens Of The Stone Age bezalako taldeak ere Gasteizen arituko dira datozen egunetan.

Bihar hasiko den Azkena Rock jaialdiaren hamargarren edizioak rock eszenan ezinbesteko diren erreferentziak izango ditu. Ozzy Osbourne, Gregg Allman edo Paul Weller dira ekainaren 23tik 25era egingo duten jaialdian parte hartuko duten musikarietariko batzuk.

Ozzy Osbourne Black Sabbath taldearen sortzaileetariko bat izan zen. Hard rock eta heavy metalaren aitzindaria da talde hori eta 60ko hamarkadaren erdialdetik 70ko hamarkadaren amaiera arte izan zen Ozzy talde horren liderra. 80ko hamarkadan bakarkako ibilbidea hasi zuen nahiz eta Black Sabbathekin ere zenbait kontzertu eskaini. Scream du izena bere estudioko disko berriak eta arrakasta handia izan du mundu zabalean.

Lehendabiziko egunean Rob Zombie, The Cult, Eels, Black Country Communion, Kyuss Lives eta Bizardunak era arituko dira.

Queens Of The Stone Age izango dira ostiraleko izar nagusiak. Josh Hommek gidatzen duen taldea stoner doinuaren ezinbesteko erreferentzia bat da. Cheatp Trick, Primus, Bad Brains eta Reverend Horton Heat ere arituko dira egun horretan.

Ekainaren 25ean, larunbata, Gregory Lenoir Allmanen txanda izango da. Rock, blues, soul, country, jazz, gospel eta doinu klasikoen nahasketa proposatuko du. The Allman Brothers taldea sortu zuen Duane anaiarekin batera eta 70ko hamarkadan ezinbesteko taldea izan zen AEBko rock eszenan. 1971an Duane istripu batean hil ondoren bakarkako bidea hasi zuen Gregg Allmanek eta 2011ko urtarrilean argitaratu du bere estudioko azken diskoa, Low Country Blues.

Gau horretan Paul Weller ere arituko da Gasteizko jaialdian. The Jam eta The Style Council taldeetako sortzailea mod mugimenduaren aita da askorentzat. 90ko hamarkadan bakarkako ibilbidea hasi zuen.

30 talde inguru arituko dira guztira jaialdiak iraungo dituen hiru egunetan zehar. Horretaz gain antzerki topaketak eta erakusketak ere antolatu dituzte bisitarien gozamenerako.

Ozzy



Informazio gehiago:Eitb: Ozzy Osbournek hasiko du bihar Azkena Rock Festival jaialdia

99 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin