Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Oyarzabalek uste du Patxi Lopezek hanka sartzen duela presiopean


2012-01-30 11:50

PPren EAEko idazkari nagusiaren esanetan, lehendakariak ez du bere elkarbizitza plana errespetatzen eta zazpi aurrebaldintza saihestu ditu beste kartzela-politika bat eskatzeko.

Iñaki Oyarzabal PPren EAEko idazkari nagusiak adierazi du Patxi Lopez lehendakariak hanka sartzen duela presoen gaiaren harira, ez omen da presioari aurre egiteko gai.

ETBn egindako elkarrizketa batean Oyarzabalek azaldu duenez, Patxi Lopezek ez du bere elkarbizitza plana errespetatzen euskal presoentzat kartzela-politika malguagoa eskatzen duenean.

PPren buruzagiaren arabera, presoen hurbiltzea eta bergizarteratzeko neurriak hartzea elkarbizitza planaren zortzigarren puntuan zegoen eta orain lehenengoan jarri nahi du, zazpi aurrebaldintza bete gabe.

Oyarzabalek aitortu du denek onartzen dutela kartzela-politikan malgutasunez jokatzea, baina legea errespetatzearen eta presarik gabe neurri indibidualak hartzearen aldeko apustua egin du.

Haren esanetan, lehentasun gehiago du ETAren mehatxupean alde egin zutenak ekartzea, mehatxatzaileak ekartzeak baino.

Bestalde, Oyarzabalek Brian Currin buru duen bitartekari taldea izan du hizpide, eta PPk aipatu taldeak esaten duenari jaramon egiten diola esan du. Hala ere, ezker abertzaleak aukeratutako bitartekariak direla eta, ETAri agenda eta epeak markatzen ez uzteko deia egin du.

Bertie Ahern

Bertie Ahern Irlandako lehen ministro ohi eta Donostiako Bake Konferentziaren bozeramaileak atzo Bilbon egin zituen adierazpenen harira, batzuk ezker abertzalearen diskurtsoa egitera etortzen direla azpimarratu du.

Iñaki



Informazio gehiago:Eitb: Oyarzabalek uste du Patxi Lopezek hanka sartzen duela presiopean

82 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin